اڈیشہ کو دوسری  وندے بھارت ملنے کا امکان۔  اشونی وشنو

 پوری/۔ریلوے کے وزیر اشونی ویشنو نے جمعرات کو یہاں کہا کہ اڈیشہ کو دوسری وندے بھارت ایکسپریس ملنے کا امکان ہے۔ اڈیشہ میں پہلی سیمی ہائی سپیڈ ٹرین کو پوری-ہاؤڑا پر وزیر اعظم نریندر مودی نے دن کے وقت ورچوئل موڈ پر ہری جھنڈی دکھا کر روانہ کیا۔مرکزی وزیر، جو پوری ریلوے اسٹیشن پر ایک پروگرام میں جھنڈی دکھا  نے کیلئے موقع پر  منعقد  تقریب میں بول رہے تھے، نے کہا کہ ریلوے اوڈیشہ میں وندے سلیپر اور وندے میٹرو شروع کرنے کا منصوبہ بنا رہا ہے۔انہوں نے کہا، ’’اوڈیشہ میں دوسری وندے بھارت ایکسپریس پوری-بھونیشور-کٹک-انگول-رورکیلا روٹ پر چلنے کا امکان ہے۔اڈیشہ سے راجیہ سبھا کے لیے منتخب ہونے والے وشنو نے کہا کہ اگلے جنوری-فروری میں پوری-بھونیشور-کٹک میں وندے میٹرو چلانے کا منصوبہ ہے۔ویشنو نے کہا کہ وہ مرکزی وزیر دھرمیندر پردھان کے ساتھ وزیر اعظم نریندر مودی سے درخواست کریں گے کہ وہ اڈیشہ کو ایک اور وندے بھارت اور وندے میٹرو دیں۔انہوں نے کہا کہ اوڈیشہ میں اب عالمی معیار کی ریلوے، ٹیلی کام، انٹرنیٹ اور ہائی وے کنیکٹیویٹی ہوگی۔ مودی حکومت نے اوڈیشہ میں ریلوے کی ترقی کے لیے تقریباً 10,000 کروڑ روپے مختص کیے ہیں۔ انہوں نے کہا کہ ریلوے کے علاوہ، ٹیلی کام ڈیپارٹمنٹ نے اڈیشہ میں کنیکٹیوٹی کو بہتر بنانے کے لیے 5,600 کروڑ روپے فراہم کیے ہیں۔ویشنو نے اوڈیشہ حکومت پر زور دیا کہ وہ ریاست کو ملک کی نمبر ایک ریاست بنانے کے لیے اپنا تعاون بڑھائے۔ انہوں نے زمین کے حصول، امن و امان کو برقرار رکھنے اور پراجیکٹس کے لیے جنگلات کی کٹائی کی منظوری میں ریاست سے مدد طلب کی۔ پوری-ہاؤڑا وندے بھارت 16 کوچز کے ساتھ 20 مئی سے سروس شروع کرے گی۔ یہ 500 کلومیٹر کا فاصلہ تقریباً ساڑھے چھ گھنٹے میں طے کرے گی۔یہ سروس جمعرات کے علاوہ ہفتے میں چھ دن دستیاب ہوگی۔ افسران نے بتایا کہ سات اسٹاپ ہوں گے – خردا روڈ، بھونیشور، کٹک، جاج پور کیونجھر روڈ، بھدرک، بلسور اور کھڑگپور جہاں ٹرین ہر دو منٹ کے لیے رکے گی۔AC چیئر کار کا کرایہ 1,265 روپے ہے، جس میں 162 روپے کا کیٹرنگ چارج، اور 2420 روپے ایگزیکٹو چیئر کار کا ہے، جس میں 195 روپے کا کیٹرنگ چارج بھی شامل ہے۔