جدید طرز کاشتکاری سے سبزی کی کاشت میں انقلاب آئے گا

سرینگر کے سبزی اُگانے والے کاشتکاروں کو محکمہ ہر ممکن مدد فراہم کرنے کےلئے تیار۔ اٹل ڈولو
ایڈیشنل چیف سیکریٹری اٹل ڈلو نے سرینگر کے مختلف علاقوں کا دورہ کیا جہاں پر سبزی کی کاشتکاری ہوتی ہے ان علاقوں میں ملورہ، تاکنواری اور دیگر جگہیں شامل ہیں۔ انہوںنے بتایا کہ وادی کشمیر کی سرزمین زرعی لحاظ سے کافی زرخیز ہے جس کو بروئے کار لاتے ہوئے زراعت کے شعبے میں کافی ترقی ہوسکتی ہے ۔ اس موقعے پر کاشتکاروںکے اجتماع سے خطاب کرتے ہوئے اٹل ڈلو نے کہا کہ محکمہ کی طرف سے کسانوں کو فراہم کیے جانے والے پولی ہاو¿س نے کامیابی کی کئی کہانیاں تخلیق کی ہیں۔ انہوں نے کہا کہ ماضی کا منظر نامہ بدل گیا ہے اور محکمہ کے مختلف اقدامات کے نتائج یقیناً حوصلہ افزا اور تسلی بخش ہیں۔ انہوںنے کہا کہ سبزی کی کاشتکاری میں جدید ٹیکنالوجی اپنانے کی ضرورت ہے اور نامیاتی طریقہ عمل سے کاشتکار صحت مند سبزی اُگاسکتے ہیں۔ انہوں نے مزید کہا کہ ان علاقوں کے زیادہ سے زیادہ کاشتکارتجارتی بنیادوں پر سبزیوں کی کاشت کر رہے ہیں جس سے ان کے معیار زندگی میں تبدیلی کے ساتھ ٹھوس نتائج برآمد ہو رہے ہیں۔انہوںنے کہا کہ ہولیسٹک ایگریکلچر ڈیولپمنٹ پروگرام کے تحت خاص طور پر سبزیوں کے شعبے میں پروجیکٹوں کے نفاذ سے جموں و کشمیر کے سبزیوں کے شعبے میں انقلاب آنے کی امید ہے۔ ایدیشنل چیف سیکرٹری نے علاقے کے کچھ ترقی پسند کسانوں کے فارموں کا بھی دورہ کیا اور ان سے بات چیت کی۔ انہوں نے محکمہ کی طرف سے مختلف مداخلتوں کے بارے میں ان سے رائے طلب کی۔قبل ازیں ڈائریکٹر زراعت کشمیر چوہدری محمد اقبال نے علاقے میں محکمہ کے مختلف پروگراموں اور مداخلتوں کے بارے میں تفصیلی پریزنٹیشن دی۔اس دوران ایڈیشنل چیف سیکریٹری نے کاشتکاروں کو یقین دلایا کہ محکمہ کی جانب سے انہیں ہر ممکن مدد فراہم کی جائے گی ۔ا نہوں نے بتایا کہ اگر شہر سرینگر میں سبزی کی کاشت کی طرف توجہ مبذول کی جائے گی تو شہر کو جو سبزی کی کھپت ہے اس کو پورا کیا جاسکتا ہے ۔ انہوں نے کاشتکاروں کی حوصلہ افزائی کےلئے پروگرامات منعقد کرنے پر بھی زور دیا ۔