’من کی بات ‘100سالہبھارت کی بنیاد ہے۔ نائب صدر

 نئی دلی ۔ 26؍ اپریل/  نائب صدر  جمہوریہ ہند جناب جگدیپ دھنکھر نے آج کہا کہ جیسے ہی پروگرام ‘ من کی بات’ اپنی 100ویں قسط مکمل کرے گا تو یہ100سالہ   بھارت کی بنیاد ہوگا۔ انہوں نے کہا کہ ہندوستان اس وقت دنیا میں سرفہرست ہوگا جب وہ 2047 میں اپنی صد سالہ تقریبات منائے گا۔اطلاعات و نشریات کی وزارت کے زیر اہتمام نئی دہلی میں قومی کانفرنس ’من کی بات @ 100‘ کا افتتاح کرتے ہوئے جناب دھنکھر نے کہا کہ من کی بات ملک کے ہر کونے اور  دور دراز علاقوں  میں پہنچی ہے اور اس کی رسائی اور مقبولیت  بے مثال ہے۔ انہوں نے اس پروگرام کو مقامی آرٹ اور دستکاروں کو پہچان اور برانڈ ویلیو دینے اور ان کے لیے مارکیٹ کی جگہ پیدا کرنے کا سہرا بھی دیا۔نائب صدر جمہوریہ نے مشاہدہ کیا کہ من کی بات نے حکومت کے اہم اقدامات جیسے کہ سوچھ بھارت، بیٹی بچاؤ بیٹی پڑھاؤ کو زبردست حوصلہ دیا اور انہیں عوامی تحریکوں میں بدل دیا۔ انہوں نے مزید کہا کہ شو میں وزیر اعظم کے خطاب کوویڈ وبائی امراض کے دوران قوم کے لئے ‘ مثبتیت کی روشنی’ تھے۔پروگرام کی 100ویں قسط (30 اپریل 2023 کو نشر ہونے والی) کو ایک تاریخی سنگ میل کے طور پر نوٹ کرتے ہوئے، شری دھنکھر نے شمال مشرق کی ثقافت اور تہواروں کو مقبول بنانے اور مرکزی دھارے میں لانے کے لیے ایک مؤثر پلیٹ فارم کے طور پر خدمات انجام دینے کے لیے پروگرام کی تعریف کی۔ انہوں نے مشاہدہ  کیا کہ  ‘من کی بات، حقیقت میں، ہماری تہذیبی اخلاقیات کے احساس کی عکاسی کرتی ہے۔ہر کسی سے قوم کی کامیابیوں پر فخر کرنے کی اپیل کرتے ہوئے نائب صدر نے زور دیا کہ کسی کو ہمیشہ قوم کو پہلے رکھنا چاہیے۔ انہوں نے کہا کہ ہندوستان کی ترقی کی کہانی کو ‘ ناری شکتی’ نے بھی واضح کیا ہے جس کی مثال ایک قبائلی خاتون کے بطور صدر ہند کے انتخاب میں دی گئی ہے۔ انہوں نے مختلف فلاحی اقدامات جیسے براہ راست فائدہ کی منتقلی، پی ایم اجولا یوجنا، پی ایم کسان سمان ندھی اور دیگر کو ملک کی سماجی و اقتصادی صورتحال میں مثالی تبدیلی کے اشارے کے طور پر بھی نوٹ کیا۔