اننت ناگ میں اسکوٹی سے گر کر ایک شخص کی موت

سری نگر، 16 اپریل، جنوبی کشمیر کے اننت ناگ ضلع میں اسکوٹی سے گر کر ایک شخص کی جان چلی گئی۔

ایک اہلکار نے بتایا کہ ایک شخص جس کی شناخت عاشق حسین حجام ولد گل محمد حجام ساکنہ ماگرے محلہ اچابل اننت ناگ کے طور پر کی گئی تھی، ڈونیپاوا اننت ناگ میں ہفتہ کی شام اسکوٹی سے گرنے کے بعد زخموں کی تاب نہ لاتے ہوئے چل بسا۔

انہوں نے کہا کہ اسے قریبی ہسپتال منتقل کیا گیا جہاں وہ زخموں کی تاب نہ لاتے ہوئے چل بسا۔

دوسری جانب پولیس نے نوٹس لے کر تفتیش شروع کردی ہے۔