شب القدر اور عید الفطر کے حوالے سے سرکاری انتظامات ڈویژنل کمشنر نے جائزہ لیا، کووڈ احتیاطی تدابیر پر عمل کرنے پر زور دیا

وادی کشمیر میں شب القدر اور عید الفطر کے حوالے سے سرکاری سطح پر کئے گئے انتظامات کا ڈویژنل کمشنر کشمیر نے ایک میٹنگ میں جائزہ لیا۔ وجے کمار بدھوری کی صدارت میں اس حوالے سے ایک میٹنگ منعقد ہوئی جس میں پی ایچ ای، پی ڈی ڈی ، آر اینڈ بی ، انمل ہسبنڈری اور دیگر شعبہ جات کے افسران نے شرکت کی ۔میٹنگ کے دوران ڈویژنل کمشنر نے وادی میں عید تہوار اور شب قدر کے حوالے سے اشیاءضروریہ کی دستیابی جس میں راشن ، گوشت، پولٹری اور دیگر ضرریات کی سٹاک پوزیشن سے متعلق جانکاری بھی حاصل کرتے ہوئے متعلقہ ذمہ داران پر زور دیا کہ وہ بازاروں میں اشیاءضروریہ کی دستیابی کو یقینی بنائیں ۔انہیں بتایا گیا کہ پولٹری اور دیگر اشیائے ضرویہ بازاروں میں وافر مقدار میں دستیاب ہے ۔اس موقعے پر انہوں نے بازاروں میں قیمتوں کو اعتدال پر رکھنے کے لئے متاتر مارکیٹ چیکنگ پر زور دیا اور افسرانکو ہدایت دی کہ وہ اس ضمن میں ایسے تاجروں کے خلاف کارروائی عمل میں لائے جو ناجائز منافع خوری میں ملوث پائے جائیں۔ انہوںنے بیکری اور دیگر خوردونوش کی اشیاءکےلئے صحت و صفائی کا خیاص خیال رکھنے پر بھی زور دیا اور کہا کہ جو بھی بیکری والا یا اور کوئی تاجر لوگوں کی زندگیوں کے ساتھ کھلواڑ کرنے کا مرتکب پایا جائے اس کے خلاف سخت کارروائی عمل میں لائی جائے ۔ میٹنگ میں موصوف کو وادی کشمیر میں بجلی اور پینے کے پانی کی دستیابی کے بارے میں بتایا گیا۔انہوں نے متعلقہ افسران کو ہدایت دی کہ اہم مقامات خاص کر مذہبی مقامات پر جہاں لوگوں کے بڑی تقاریب منعقد ہوں خاص کر حضرتبل اور دیگر مساجد میں پانے کے ٹینکر ، بجلی اور صفائی کے انتظامات کویقینی بنانے کی ہدایت دی ۔ انہوں نے حضرت بل کی طرف جانے والے ٹریفک راستوں کی اشاعت اور عقیدت مندوں کی سہولت کے لیے آر ٹی سی بسوں کی دستیابی کی بھی ہدایت دی۔انہوں نے ایس ایم سی کو ہدایت دی کہ وہ عبادت گاہوں اور مساجد میں صفائی مہم چلانے کے ساتھ ساتھ سڑکوں کی صفائی مہم کو بھی دھول سے پاک عید کو یقینی بنائے۔محکمہ صحت کے متعلقہ افسر کو ہدایت دی گئی کہ وہ حضرت بل درگاہ اور دیگر مقامات پر طبی کیمپس قائم کریں اور لوگوں کو کووڈ مناسب رویے کے بارے میں آگاہی دیں۔بیدھوری نے لوگوں سے یہ بھی اپیل کی کہ وہ کووڈ 19 کے پھیلاو¿ سے بچنے کے لیے احتیاطی تدابیر کے طور پر مبارک موقعوں پر باجماعت نماز کے دوران کوویڈ مناسب رویہ کو اپنایں اور جاری کردہ ہدایات پر عمل کریں۔