کشمیر میں 6اپریل تک بارشوں اور بالائی علاقوں میں برف باری کا امکان

بارشوں کا سلسلہ جاری ،سردی میں اضافہ ،اگلے 24 گھنٹوں میں سلسلہ جاری رہنے کاامکان: محکمہ موسمیات
سری نگر:یکم،اپریل/ وادی کشمیر میں محکمہ موسمیات کی پیش گوئی کے عین مطابق جمعہ سے میدانی علاقوں میں بارشوں اور پہاڑی علاقوں میں ہلکی برف باری ہو ئی ہے جبکہ یہ سلسلہ سنیچر کے روز بھی جاری رہا ۔محکمہ موسمیات نے پیش گوئی میں مزید بتایا کہ 6اپریل تک وادی میں بارشوں اوربرف باری کا سلسلہ جاری رہے گ- جموں و کشمیر میں گزشتہ 24 گھنٹوں کے دوران وقفے وقفے سے بارش اور گرج چمک کے ساتھ بارش کا سلسلہ جاری رہا۔ محکمہ موسمیات نے ہفتہ کو کہا کہ اگلے 24گھنٹوں کے دوران بھی یہی صورتحال برقرار رہے گی۔محکمہ موسمیات کے عہدیدار نے کہا کہ اگلے 24گھنٹوں کے دوران جموں و کشمیر میں وقفے وقفے سے بارش،گرج چمک کے ساتھ بارش کا امکان ہے۔جمعہ کے کی شام پوری وادی کشمیر اور خطہ چناب کے میدا نی و بالائی علاقوں میں بارشوں اور برف باری کا سلسلہ شروع ہوا ہے جو سنیچر کے روز مکمل طور جاری رہا ہے جس کی وجہ سے سردیوں میں پھر ایک بار اضافہ ہوا ہے ۔اس دوران لوگوں نے گرم ملبوسات بھی استعمال کئے ہیں ۔مسلسل بارشوں کے نتیجے میں ندی نالوںمیں سطح آب میں اضافہ ہوا ہے ۔تازہ بارشوں کے بعد کسانوں نے خوشی کا اظہار کرتے ہوتے کہا اس امید کا اظہار کیا ہے کہ موسم بہار میں بہتر بارشوں کے نتیجے میں فصل بہتر انداز میں فائدہ پہنچے گا ۔ انہوں نے کہا گزشتہ دنوں کے تیز دھوپ کی وجہ سے وہ مایوسی کے شکار ہوئے تھے تاہم آج کی بارشوں نے کسانوں کے دلوں میں امید جگائی ہے ۔ محکمہ موسمیات نے بتایا کہ6اپریل تک بارشوں اور برف باری سلسلہ جاری رہے گا ۔سری نگر میں آج کم سے کم درجہ حرارت 9.1، پہلگام 4.6 اور گلمرگ میں 0.8 ڈگری سیلسیس تھا۔لداخ خطے کے دراس شہر میں کم سے کم درجہ حرارت 1.4، کارگل 2.1 اور لیہہ میں منفی 1.2 تھا۔جموں میں 14.7، کٹرا میں 12.6، بٹوٹ میں 8.1، ریکارڑ کیا گیا ہے ۔