جموں و کشمیر میں انٹرپرینیورشپ کو فروغ دینے کے لیے امکانات تلا ش کئے
جموں۔ 23؍ مارچ/ جموں و کشمیر انٹرپرینیورشپ ڈیولپمنٹ انسٹی ٹیوٹ (جے کے ای ڈی آئی)کے سینئر افسران کی ایک ٹیم جس کی سربراہی اعجاز احمد بھٹ (آئی اے ایس)، ڈائریکٹر جے کے ای ڈی آئی نے انٹرپرینیورشپ ڈیولپمنٹ انسٹی ٹیوٹ آف انڈیا (ای ڈی آئی آئی) احمد آباد کا دورہ کیا اور ادارے کی کور ٹیم کے ساتھ بات چیت کی۔دورے کے دوران، ای ڈی آئی آئی کی طرح جموں و کشمیر میں مختلف پروگراموں کو نافذ کرنے کے سلسلے میں کئی میٹنگیں کی گئیں۔ انہوں نے جموں و کشمیر کے نوجوانوں کے لئے تربیت اور تعلیمی پروگراموں میں مختلف مداخلتوں پر تبادلہ خیال کیا اور انہیں کئی ماڈلز سے آگاہ کیا جنہیں جموں و کشمیر میں اپنایا اور لاگو کیا جا سکتا ہے۔ ای ڈی آئی ئی کاجموںو کشمیر کے ساتھ پہلے سے ہی ایک طویل وابستگی ہے اور جے کے ای ڈی آئی کے ساتھ اشتراک یونین کے زیر انتظام علاقے میں کاروباری ماحولیاتی نظام کو مزید مضبوط کرے گا۔ یہ نوجوانوں کو اپنی پوری صلاحیت کے ساتھ خود روزگار کے پروگراموں میں حصہ لینے کے قابل بنائے گا، اور یہ انہیں ٹیکنالوجی اور اختراع کی بنیاد پر ملک بھر میں شروع ہونے والے اسٹارٹ اپ انقلاب میں شامل ہونے کی ترغیب دے گا۔ڈائرکٹر جنرل، ای ڈی آئی آئی، ڈاکٹر سنیل شکلا نے سینئر افسران کے ساتھ جموں و کشمیر کی اقتصادی ترقی کے لیے مختلف مداخلتی پروگراموں اور پروجیکٹوں کے بارے میں ایک پریزنٹیشن دی اور ان پروگراموں کو لگانے کے طریقہ کار پر غور و خوض کیا گیا۔ مداخلتیں اس بات کو بھی یقینی بنائے گی کہ جے کے ای ڈی آئی مرکز کے زیر انتظام علاقے میں اپنے نقش کو بڑھانے کے لیے ایک نظرثانی شدہ اسٹریٹجک منصوبہ اپنائے اور ایک قابل عمل اور پائیدار کاروباری ماحولیاتی نظام کی تشکیل کے لیے ایک قابل عنصربنے۔