بارہمولہ میں پولیس نے غیر قانونی لکڑی ضبط کی 2 افراد گرفتار

سرینگر 23مارچ // بارہمولہ میں پولیس نے غیر قانونی لکڑی ضبط کی ہے اور جرائم میں ملوث 2 ملزمان کو گرفتار کیا ہے۔
ایس ڈی پی او کریری کی نگرانی میں انچارج پولیس پوسٹ واگورہ نے ساترسرن واگورہ میں معمول کی گشت کے دوران دو افراد کو گرفتار کیا جن کی شناخت مدثر احمد میر ولد غلام نبی میر اور فاروق احمد میر ولد صوف دین میر ساکنان سترسرن واگورہ کے طور پر ہے جو غیر قانونی جنگلی لکڑی کی کٹائی میں ملوث ہیں جس کو بعد میںمہنگے داموں میں فروخت کر رہے تھے۔ ان کے قبضے سے غیر قانونی لکڑی کے 7لاگین بر آمد کئے ۔ اس سلسلے میں پولیس اسٹیشن کریری میں انڈین فاریسٹ ایکٹ کی دفعات کے تحت مقدمہ درج کر کے تفتیش شروع کر دی گئی۔
سماج دشمن عناصر کے خلاف ہماری مسلسل کارروائیوں سے کمیونٹی کے افراد کو یہ یقین دلانا چاہیے کہ ہم اپنے معاشرے کو جرائم سے پاک رکھنے کی ہر ممکن کوشش کر رہے ہیں۔ پولیس نے مجرمانہ سرگرمیوں میں ملوث افراد کے خلاف قانون کے مطابق کارروائی کرنے کا عزم کیا ہے۔