یمن میں خواتین کے اسمارٹ فون اور میک اپ کے استعمال پر پابندی عائد کر دی

ثنا/ ایجنسیز/ حوثی باغیوں نے یمن کے ایک صوبے میں خواتین کے اسمارٹ فون اور میک اپ پاو¿ڈر کے استعمال پر پابندی عائد کردی۔ یمن میں دارالحکومت صنعا کے ضلع حشیش کے گاو¿ں غضران میں شیوخ سے دستخط لیے گئے عہد نامے کی تصاویر ٹوئٹر پر زیر گردش ہیں۔ گاو¿ں کے شیوخ کے دستخط شدہ عہد نامے کے مطابق خواتین کے این جی اوز کے ساتھ کام کرنے، ٹچ اسمارٹ موبائل اور میک اپ کے استعمال پر پابندی عائد ہو گی اور جو کوئی اپنی بیوی کو مذکورہ موبائل فون دے گا اس پر 2 لاکھ یمنی ریال اور ایک عدد گائے کا جرمانہ عائد ہو گا۔ عہد نامے میں ان اشیاءکے استعمال کو اسلام کو کمزور کرنے اور معاشرے میں تقسیم پیدا کرنے کی سازش قرار دیتے ہوئے پابندی عائد کی گئی ہے اور معاشرے کو ان خرابیوں سے دور رکھنے کیلئے جرمانہ عائد کیا گیا ہے۔ دستخط شدہ دستاویز میں فیصلہ کیا گیا ہے کہ خواتین خاص طور پر کنواری لڑکیوں کو شادی کی تقریبات میں میک اپ کے استعمال کی اجازت نہیں ہوگی، نہ ہی خواتین ٹیکسی میں محرم کے بغیر سوار ہوں گی۔