ضلعڈوڈہ میں  تین سگے بھائی بہنوں نے امتحان میں کامیابی حاصل کر مثال قائم کی

 ڈوڈہ۔( جموںو کشمیر)۔ 20؍ جنوری/۔جموں وکشمیر کے ضلع ڈوڈہ کے تحصیل کاہرہ کے ترہنکل علاقے سے تعلق رکھنے ایک ہی گھر کے تین افراد جن میں دو بہنیں اور بھائی شامل ہیں نے (JKAS)ا متحان میں کامیابی حاصل کی ۔اطلاعات کے مطابق سال 2021میں جموں وکشمیر انتظامیہ نے (جے کے اے ایس) اسامیوں کو پُر کرنے کی خاطر درخواستیں طلب کیں اور سال 2023 کے جنوری مہینے میں کامیاب امیدواروں کا نام منظر عام پر لایا گیا۔معلوم ہوا ہے کہ ڈوڈہ سے تعلق رکھنے والے دو بہنوں اور بھائی نے امتحان میں کامیابی کے جھنڈے گارڈ کر گاوں کا نام روشن کیا۔سہیل احمد وانی ولد منیر احمد وانی نے 1055نمبرات اُس کی دو بہنوں ہما انجم وانی نے 1050ور وافر انجم وانی نے 1034نمبرات حاصل کرکے امتحان میں شاندار کامیابی حاصل کی۔دو بہنوں کے والد منیر احمد وانی جوکہ بغلہار بجلی پروجیکٹ میں پہلے مزدور اور بعد میں ٹھیکیدار رہا ہے نے بتایا کہ یہ جموں وکشمیر کے لوگوں کے لئے ایک خوشی کی بات ہے۔انہوں نے کہاکہ کوچنگ کے بغیر ہی میری دو بیٹیوں اور بیٹے نے جے کے اے ایس امتحان میں کامیابی حاصل کرکے ایک مثال کام کی ۔اُن کے مطابق بچن سے ہی تینوں نے آئی اے ایس اور جے کے اے ایس آفیسر بننے کی ٹھان لی اور تب سے وہ یہ خواب دیکھ رہے تھے اور آج اُن کا خواب شرمندہ تعبیر ہوا۔خوش نصیب والد نے بتایا کہ ہر روز میرے تینوں بچے بارہ گھنٹے تک پڑھائی کرتے تھے اور اس میں کھبی بھی کمی نہیں آنی دی ۔انہوں نے کہا کہ والدین کو اپنے بچوں کے مستقبل کی فکر کرنی چاہئے ۔اُن کے مطابق میرے بچوں نے آج تک موبائیل فون کا استعمال نہیں کیا اور جب بھی اُنہیں انٹرنیٹ کی ضرورت پڑتی تو وہ اپنی ماں کے فون سے لیپ ٹاپ پر انٹرنیٹ کنکٹ کرتے۔انہوں نے مزید بتایا کہ تینوں نے پچھلے کئی برسوں سے بہت زیادہ محنت کی اور پڑھائی کی طرف اپنی ساری توجہ مبذول کی ۔سب ڈویژن گندو بھلیسہ کے چار دیگر امیدواروں نے بھی جے کے اے ایس امتحان میں کامیابی حاصل کی ہے جس میں تبسم اقبال ولد چوہدری محمد اقبال ساکن منو، سمیرابراہیم ،اشیور دیو ، چندر کانت شامل ہیں۔دریں اثنا شہر سری نگر کے نٹی پورہ سے تعلق رکھنے والے ثاقب رشید ڈار نے بھی جے کے اے ایس امتحان میں دسویں پوزیشن حاصل کرکے اپنے والدین کا نام فخر سے اونچا کیا۔