جموں کشمیر لیفٹیننٹ گورنر منوج سنہا کی قیادت وادی سرکار نے مزید 6ملازمین کو نوکری سے برطرف کرلیا ہے جن پر الزام ہے کہ وہ ماضی یا حال ہی میں جنگجوئیانہ سرگرمیوں میں مبینہ طور پر ملوث رہے ہیں یا ملک دشمن و غیر قانونی سرگرمیوںمیں ان کا ہاتھ رہا ہے ۔اطلاعات کے مطابق سرکار نے جنگجوئیوں کے ساتھ روابط رکھنے ، ملک دشمن سرگرمیوں میں ملوث ہونے اور عسکریت پسندوں کی معاونت کرنے کے الزام میں سرکاری ملازمین کو کی برخواستگی کا سلسلہ جاری رکھا ہوا ہے ۔ اب مزید چھ ایسے ملازمین کو نوکری سے نکالا گیا ہے جن پر اس طرح کے الزامات عائد کئے گئے ہیں۔ ذرائع سے معلوم ہواہے کہ 2کانسٹیبل ، محکمہ جنگلات کا ایک سینئر افسرکے علاوہ محکمہ آر اینڈ بی کے ساتھ وابستہ ایک ملازم کو نوکری سے بے دخل کردیا گیا ہے ۔ ذرائع کے مطابق برخواست کئے ملازمین میں سے دو کا تعلق کشتواڑ سے ہے ایک کا تعلق اننت ناگ ، بارہمولہ، پونچھ اور بڈگام اضلاع سے ایک ایک ملازم ہے ۔ اس ضمن میں سرکار نے سیکشن 311(2)(c)کے تحت باضابطہ حکمنامہ جاری کیا گیا ہے ۔ یہاں یہ بات قابل امر ہے کہ اس سے قبل بھی سرکار کی جانب سے متعدد ملازمین کو نوکری سے برخواست کیا جاچکا ہے جن میں حزب المجاہدین کے سربراہ سید صلاح الدین کے دو فرزند بھی شامل ہیں جن پر کئی طرح کے الزاما ت عائد کئے گئے ہیں۔