لیفٹیننٹ گورنر کا غازی پور میں مہامنا پنڈت مدن موہن مالویہ اور شری اٹل بہاری واجپائی کے
یوم پیدائش کی تقریب سے خطاب

لیفٹیننٹ گورنر منوج سِنہا نے آج غازی پور کے مہامنا اِنٹرکالج میں مہامنا پنڈت مدن موہن مالویہ اور شری اَٹل بہاری واجپائی کی یوم پیدائش تقریب سے خطاب کیا۔لیفٹیننٹ گورنر نے مہامنا پنڈت مدن موہن مالویہ اور سابق وزیرا عظم اَٹل بہاری واجپائی کو خراجِ عقیدت پیش کرتے ہوئے کہا کہ دونوں عظیم ہستیوں کے نظرئیے اور اقدار اَمن اور ترقی کی راہ میں ہماری رہنمائی کرتے رہتے ہیں۔اُنہو ں نے کہا کہ مہامنا پنڈت مدن موہن مالویہ اور شری اَٹل بہاری واجپائی نے اَپنی زندگی قوم کی خدمت میں وقف کی ۔ اُنہوں نے کہا کہ مہامنا پنڈت مدن موہن مالویہ نے نوجونوانوں میں مضبوط قومی کردار کی تعمیر اورخواتین کو بااِختیار بنانے میں بے مثال تعاون کیا اور شری اَٹل جی نے ہندوستان کی جدیدکاری اور اس کے لوگوں کی ترقی کی بنیاد رکھی۔لیفٹیننٹ گورنر نے قوم کی تعمیر میں ان کی اہم شراکت کو یاد کرتے ہوئے کہا کہ مہامنا پنڈت مدن موہن مالویہ اور شری اَٹل بہاری واجپائی جی نے ترقی کو ایک طاقتور عوامی تحریک بنانے میں اہم کردار اَدا کیا۔اُنہوں نے مزید کہا کہ ہمارا عزم ہے کہ ہندوستان کو ایک ترقی یافتہ ملک بنانے کے ان کے خواب کو پورا کریں۔لیفٹیننٹ گورنر نے کہا کہ وزیر اعظم نریندر مودی جی نے ترقی پسند ہندوستان کے لئے مہامنا پنڈت مدن موہن مالویہ اور شری اَٹل بہاری واجپائی جی کے عزم کو مضبوط شکل دی ہے ۔ اُنہوں نے کہا کہ آج ، جامع ترقی اور مسلسل نظامی اِصلاحات نے تمام طبقوں اور شعبوں میں بڑے پیمانے پر تبدیلیاں لائی ہےں جس سے بہت سے لوگوں کی زندگیوں میں مثبت اَثرات مرتب ہوئے ہیں۔لیفٹیننٹ گورنر نے کہا،” وزیر اعظم نے اِس بات کو یقینی بنایا ہے کہ بہتر حکمرانی سب کے لئے جامع ترقی اور سماجی و اقتصادی ترقی لوگوں کے معیارِ زندگی کو بلند کرے ۔ تمام شعبوں میں تفاوت کو دُور کیا گیا ہے اور حکومت لوگوں کی اُمنگوں کو پورا کر رہی ہے۔“اُنہوں نے کہا کہ چوتھے صنعتی اِنقلاب ، زراعت میں تبدیلی اور قومی تعلیمی پالیسی نے روزی روٹی پیدا کرنے ،اقتصادی اور اِنفرادی ترقی میں لامتناہی اِمکانات کی نئی راہیں کھولے ہیں ۔اُنہوں نے مزید کہا کہ آج ہندوستان سب سے تیزی سے ترقی کرنے والی معیشت بن گیا ہے اور بڑے اہداف حاصل کرنے پر اعتماد ہے۔لیفٹیننٹ گورنر نے کہا کہ جموںوکشمیر بھی اَمن قائم کرنے اور سب کی زندگی میں خوشحالی لانے کے عزم کے ساتھ آگے بڑھ رہا ہے ۔ اُنہوں نے مزید کہا کہ ہم ملک میں ترقی اور ترقی کے ثمرات جموںوکشمیر یوٹی کے ہر گھر تک پہنچنے کو یقینی بنانے کے لئے اسپریشنل ٹاﺅن اور اسپریشنل پنچایت تیار کر رہے ہیںاُنہوں نے مہامنا پنڈت مدن موہن مالویہ کی زندگی پر روشنی ڈالتے ہوئے کہا کہ بنارس ہندو یونیورسٹی کا قیام معاشی طور پر مضبوط ، ثقافتی اور تعلیمی لحاظ سے خوشحال ہندوستان کے خواب کو پورا کرنے کی سمت میں مہامنا پنڈت مدن موہن مالویہ کی سب سے بڑی کوشش تھی۔لیفٹیننٹ گورنر نے کہا کہ مہامنا پنڈت مدن موہن مالویہ معاشرے میں مساوات کے سخت حامی تھے۔ اُنہوں نے اِنسانی وقار کی بحالی اور خواتین کو بااِختیار بنانے کے لئے انتھک محنت کی ۔اُنہوں نے مزید کہا کہ ان کے نظریات اور زندگی کے اعمال ہرنسل کو ملک کے وسیع تر مفاد کے لئے بے لوث کام کرنے کے لئے مسلسل ایک نئی راہ فراہم کر رہے ہیں۔لیفٹیننٹ گورنر نے سابق وزیر اعظم اَٹل بہاری واجپائی کے ساتھ کام کرنے کا اَپنا تجربہ بھی شیئر کیا۔
 اُنہوں نے اٹل جی کے نزدیک ترقی کا مطلب غریبوں ، قبائلیوں ، نوجوانوں اور خواتین کو بااِختیار بنانا تھا۔ وہ ایک ترقی پسند معاشرے کے قیام کے لئے سماجی واقتصادی اِنصاف ، مساوات ، حکمرانی میں شفافیت پر پختہ یقین رکھتے تھے۔اُنہوں نے کہا کہ وہ ہمیشہ اِس بات پر یقین رکھتے تھے کہ ترقی کے ثمرات غریب ترین لوگوں تک پہنچنے چاہئیں۔