ڈی جی پی، جموں و کشمیر نے میری کرسمس کے موقع پر پرتپاک مبارکباد پیش کی

جموں، 24 دسمبر ۔ ایم این این۔ جموںو کشمیر کے  ڈائریکٹر جنرل آف پولیس، دلباغ سنگھ نے شہداء کے لواحقین، حاضر سروس/ ریٹائرڈ پولیس اہلکاروں، ان کے اہل خانہ، سیکورٹی فورسز اور جموں و کشمیر کے  عوام خاص طور پر عیسائیوں کو تہوار کے مبارک موقع پر تہنیتی مبارکباد پیش کی۔یسوع مسیح کی عظیم تعلیمات کو یاد کرتے ہوئے ڈی جی پی نے اپنے پیغام میں کہا کہ آج کی تیز رفتار زندگی میں ہمیں عاجزی، انسانیت، ہمدردی اور رواداری کے راستے پر چلنے کی ضرورت ہے جو یسوع مسیح نے دکھائے ہیں اور اپنے اردگرد ضرورت مندوں کی مدد کرنی چاہیے۔ انہوں نے کہا کہ یسوع مسیح کی عظیم تعلیمات کو ہمارے ملک کے اتحاد اور سیکولر نقطہ نظر کو برقرار رکھنے کے لئے ہماری کوششوں کی رہنمائی کرنی چاہئے۔ انہوں نے اس موقع پر جموں و کشمیر کے لوگوں، پولیس اہلکاروں / سیکورٹی فورسز کی صحت مند زندگی اور خوشحالی کے لیے دعا کی۔ ڈی جی پی نے لوگوں کو مشورہ دیا کہ وہ مناسب کووڈ پروٹوکول پر عمل کریں کیونکہ دنیا میں معاملات میں ایک نئے اضافے کا مشاہدہ کیا جا رہا ہے۔