مغربی کنارے میں اسرائیل فوجیوں کی فائرنگ، سگے بھائیوں سمیت 4 فلسطینی جاں بحق

رام اللہ، 30 نومبر (یو این آئی) فلسطین میں مقبوضہ مغربی کنارے کے دو مختلف علاقوں میں اسرائیلی فوج کی فائرنگ میں دو سگے بھائیوں سمیت 4 فلسطینی جاں بحق ہوگئے ، اسرائیلی فوجیوں کا کہنا ہے کہ مقامی فلسطینی لوگوں کی طرف سے فساد پھیلانے کے لیے پتھراو کیا گیا اور پٹرول بم پھینکے گئے ۔ اسرائیلی فوج نے تصدیق کی کہ اسرائیلی فوجیوں نے مغربی کنارے دو الگ الگ جھڑپوں میں فوجیوں پر حملہ کرنے والے فساد پسندوں پر فائرنگ کی تھی۔ بیان میں کہا کہ یروشلم کے شمال میں مشتبہ کار سے ٹکرانے کے بعد 20 سالہ خاتون فوجی اہلکار معمولی زخمی ہوئی اور اسے طبی علاج کے لیے ہسپتال منتقل کر دیا گیا، یروشلم کے شائر زیڈک ہسپتال نے مبینہ حملہ آور کی ہلاکت کی تصدیق کی ہے ۔ مغربی کنارے میں گذشتہ چند مہینوں سے اسرائیلی قابض فوج کی کارروائیوں میں تیزی دیکھنے میں آئی ہے ، اسرائیلی فوجیوں کی جانب سے چھاپوں کے دوران سیکڑوں فلسطینی شہری جاں بحق ہوئے ۔ فلسطین کے وزارت صحت کا کہنا ہے کہ رام اللہ کے قریب کا کفر عین میں اسرائیلی فوجیوں کی فائرنگ سے دو بھائی جاں بحق ہوگئے تھے ۔دوسری جانب وزارت نے بتایا کہ ہیبرون کے نزدیک بیت عمر میں ایک فلسطینی شہری کے سر میں قابض فوجیوں نے گولی مار کر قتل کردیا۔ قابض اسرائیلی فوج نے کہا ہے کہ اس علاقے میں گاڑیاں باہم پھنس گئی تھیں کہ اس دوران مقامی فلسطینی لوگوں کی طرف سے فساد پھیلانے کے لیے پتھرا¶کیا اور پٹرول بم پھینکے گئے ۔ فلسطین حکام کی نیوز ایجنسی ‘وفا’ کے مطابق بیت عمار کے علاقے میں جاں بحق شخص کی تصدیق 44 سالہ مفید مہمند خلیل کے نام سے ہوئی ہے ۔ وزارت صحت نے تصدیق کی ہے کہ کیفر عین میں دو جاں بحق بھائیوں کی شناخت 22 سالہ جواد عبدالرحمان ریماوی اور 21 سالہ دھفیر عبدالرحمان ریماوی کے نام سے ہوئی ہے ۔ اسرائیلی فوج نے کہا کہ کفر عین کے علاقے میں رات بھر سرگرمیوں کے دوران متعدد مشتبہ افراد نے پرتشدد ہنگامہ آرائی کی۔