اونتی پورہ میں لشکر طیبہ کے چار معاونین گرفتار کرنے کا دعویٰ

گرفتار شدگان سے اسلحہ و گولہ بارود برآمد ، مزید پوچھ گچھ جاری
سرینگر/پولیس نے جمعہ کے روز دعویٰ کیا ہے کہ انہوں نے ممنوعہ عسکری تنظیم لشکر طیبہ سے وابستہ 4جنگجو معاونین کو گرفتار کرلیا گیا ہے جن کے قبضے سے ہتھیار اور گولہ بارود برآمد کرلیا گیا ہے ۔ ایک بیان میں پولیس نے کہا ہے کہ اونتی پورہ میںلشکر سے وابستہ تین افراد کو گرفتار کرلیا جن کی شناخت کرامت اللہ ریشی ولد محراج الدین ریشی ، سہیل بشیر گنائی ولد بشیر احمد گنائی ساکن چیوہ ترال ، عادل غنی لون ولد عبدالغنی لون ساکن کرام الا ترالا ور ارشاد احدم کمار ولد منظور احمد کمار ساکن ترال پائین کے بطور ہوئی ہے ۔ پولیس نے کہا ہے کہ ابتدائی پوچھ تاچھ سے پتہ چلا کہ گرفتار شدہ افراد لشکر طیبہ کےلئے بطور معاونین کام کررہے ہیںاور لشکر طیبہ کے کمانڈر بابر سماماجو کہ پاک زیر انتظام کشمیر کا رہنے والا ہے اور یہ ترال میں آئی ای ڈی لگانے کا منصوبہ بنارہے تھے تاکہ سیکورٹی فورسز اور پولیس کو نقصان پہنچایا جاسکے ۔ اس کے ساتھ ساتھ یہ جنگجوﺅں کےلئے اسلحہ کو ایک جگہ سے دوسری جگہ پہنچانے اور دیگر طرح کی مدد کیا کرتے تھے ۔ اس سلسلے میں پولیس نے متعلقین کے خلاف متعلقہ دفعات کے تحت کیس درج کرلیا گیا ہے ۔ دریں اثناءفورسز نے راجوری میں جنگجوﺅں کے ایک خفیہ ٹھکانے سے بڑی مقدار میں اسلحہ و گولہ بارود برآمد کرنے کا دعویٰ کیا ہے ۔