دنیا کے امیر ترین شخص ایلون مسک نے ٹیسلا کے 4 ارب ڈالر کے شیئرفروخت کیے

لاس اینجلس، 9 نومبر (یو این آئی) دنیا کے امیر ترین شخص ایلون مسک نے اپنی الیکٹرک کار بنانے والی کمپنی ٹیسلا کے 3.95ارب ڈالر قیمت کے 19.5 کروڑ کے شیئر فروخت کئے ہیں۔ بی بی سی کی ایک رپورٹ کے مطابق ایلون مسک کی کمپنی ٹیسلا، جو پندرہ دن قبل ٹوئٹر پر 44 ارب ڈالر میں حاصل کرنے کے بعد سرخیوں میں آئی تھی، اس سال کے آغاز سے ہی مشکل میں دکھائی دینے لگی تھی۔ ٹیسلا کے شیئر کی قیمت میں اس سال کے آغاز سے 50 فیصد سے زیادہ گراوٹ آئی ہے ۔ رپورٹ کے مطابق ٹیسلا پاور اسٹیئرنگ کے مسئلے کی وجہ سے امریکا میں فروخت ہونے والی 40 ہزار سے زائد گاڑیوں کو مارکیٹ سے واپس لے رہی ہے ۔ الیکٹرک کار بنانے والی کمپنی کا کہنا ہے کہ گاڑیوں کا پاور اسٹیئرنگ سسٹم کچی سڑکوں پر یا گڑھوں سے ٹکرانے کے بعد فیل ہو سکتا ہے ۔ اس سے قبل اپریل میں مسک نے ٹیسلا کے شیئر8.5 ارب ڈالر اور اگست میں 7 ارب ڈالر کے شیئر فروخت کیے تھے ۔ ٹیسلا کے شیئرزکی فروخت کی وجہ سے مسک کی مجموعی مالیت بھی 20 ارب ڈالر سے نیچے آ گئی ہے ۔