کورونا کے 1132 نئے معاملے ، 9 افراد ہلاک

ملک میں متاثرین کی مجموعی تعداد 44660579 ہو گئی
نئی دہلی، 06 اکتوبر (یو این آئی) ملک میں گزشتہ 24 گھنٹوں کے دوران کورونا وائرس کی وبا کے 1132 نئے معاملے سامنے آئے ہیں اور اس بیماری سے نو افراد ہلاک ہوئے ہیں۔ مرکزی وزارت صحت وخاندانی فلاح و بہبود نے اتوار کو کہا کہ صبح 7 بجے تک 219 کروڑ 72 لاکھ سے زیادہ ویکسین دی گئی ہیں۔ گزشتہ 24 گھنٹوں کے دوران ملک میں ایک لاکھ 38 ہزار 948 ویکسین لگائی گئیں۔ کورونا کے 1132 نئے معاملے سامنے آئے ہیں جس کے ساتھ ہی متاثرین کی تعداد 4,46,60,579 ہو گئی ہے ۔ وزارت نے کہا کہ ملک میں گزشتہ 24 گھنٹوں کے دوران پانچ ریاستوں اور دو مرکز کے زیر انتظام علاقوں میں کورونا کے فعال معاملوں میں 51 مریضوں کا اضافہ ہوا ہے ۔ اس مدت کے دوران میزورم میں سب سے زیادہ 19 ایکٹو کیسز ہیں، گجرات میں نو، ہماچل پردیش اور مدھیہ پردیش میں چھ چھ، دہلی اور راجستھان میں پانچ پانچ اور گوا میں ایک کیس۔ دریں اثنا، کورونا وبا کی وجہ سے 9 مریضوں کی موت ہو گئی ہے جس سے ملک میں اموات کی تعداد بڑھ کر مجموعی طور سے 5,30,500 ہو گئی ہے ۔ شرح اموات 1.19 فیصد ہے ۔ دریں اثناءکیرالہ میں 161 فعال معاملے کم ہو کر 2,784 ہو گئے ہیں۔ اس وبا سے صحتیاب ہونے والوں کی کل تعداد 67,48,870 تک پہنچ گئی اور ہلاکتوں کی تعداد 7,14,15 ہوگئی۔ گجرات میں نو معاملوں کے اضافے کے ساتھ ان کی تعداد اب بڑھ کر 464 ہو گئی ہے ۔ اس وبا سے صحتیاب ہونے والوں کی کل تعداد 12,65,515 اور مرنے والوں کی تعداد 11,040 ہو گئی ہے ۔ میزورم میں کووڈ-19 انفیکشن کے 19 معاملے بڑھ کر 59 ہو گئے ہیں۔ اس وبا سے صحت یاب ہونے والوں کی کل تعداد بڑھ کر 2,38,080 ہو گئی ہے اور مرنے والوں کی تعداد 726 ہو گئی ہے ۔ قومی راجدھانی دہلی میں کورونا وبا کے پانچ معاملے بڑھنے کے ساتھ ہی ریاست میں فعال معاملوں کی تعداد بڑھ کر 298 ہو گئی ہے ۔ اس وبا سے صحتیاب ہونے والوں کی تعداد بڑھ کر 19,79,701 ہو گئی ہے جب کہ اس دوران ایک مریض کی موت سے ہلاکتوں کی تعداد 26,512 ہو گئی ہے ۔