مرکزی وزیر مملکت تعلیم اور اَمورِ خارجہ نے کنگن کے ڈی ڈی سیز ، بی ڈی سیز اور دیگر پی آر آئیز کے ساتھ تبادلہ خیال کیا

مرکزی وزیر مملکت تعلیم اور امورِ خارجہ ڈاکٹر راج کمار رنجن سنگھ کا مرکزی حکومت کے عوامی رَسائی پروگرام کے تحت ضلع گاندربل کا دو روزہ دورہ آج اِختتام پذیر ہوا۔دوسرے دِن مرکزی وزیر مملکت نے ڈگری کالج کنگن کا دورہ کیا اور اُنہوں نے وہاں کنگن سب ڈویژن کے ڈی ڈی سی ممبران ، بی ڈی سیز ، سرپنچوں اور پنچوں سے تبادلہ خیال کیاجنہوں وزیر موصوف کو مختلف مطالبات اورعلاقوں کے کئی دیگر ترقیاتی مسائل سے آگاہ کیا۔میٹنگ میں ضلع ترقیاتی کمشنر گاندربل شیامبیر ، ایس ایس پی گاندربل نکھل بور کر ، پرنسپل ڈگری کالج کنگن ، ایس ڈی ایم کنگن ، فیکلٹی ممبران ، پی آر آئی اور دیگر ضلعی اَفسران نے شرکت کی۔مرکزی وزیر مملکت تعلیم اور امورِ خارجہ ڈاکٹر راج کمار رنجن سنگھ نے پی آر آئی کے مسائل کا جواب دیتے ہوئے کہا کہ وزیر اعظم نے عوامی رَسائی پروگرام کی پہل کی ہے جس کے تحت مرکزی وزراءجموںوکشمیر کا دورہ کر رہے ہیں تاکہ جموںوکشمیر یوٹی میں ترقیاتی پروجیکٹوں اور مختلف فلاحی سکیموں کی عمل آوری کا جائزہ لیا جاسکے۔ مقامی لوگوں کی رائے اور تجاویز جو متعلقہ وزارت کے ساتھ شیئر کی جائیں گی تاکہ مطالبات کے بروقت اور معیاری حل کو یقینی بنایا جاسکے۔اُنہوں نے کہا کہ وزیر اعظم جموںوکشمیر یوٹی میں تعلیمی نظام کو مزید بڑھانے پر توجہ مرکو ز کررہے ہیں اور نئی تعلیمی پالیسی متعارف کی گئی ہے جس کا مقصد طلباءکو معیاری ، قابل استطاعت اور عالمگیر تعلیم فراہم کرنا ہے تاکہ ہندوستان کو مضبوط بنایا جاسکے کیوں کہ تعلیم اور ترقی کے بغیر کوئی معاشرہ نہیں چل سکتا ۔دریں اثنا، مرکزی وزیر مملکت نے پی ٹی ایس منیگام کا دورہ کیا جہاں مختلف محکموں نے اَپنی مصنوعات اور پیش کردہ سکیموں کی نمائش کے لئے سٹال لگائے تھے۔ اُنہوں نے ضلع ترقیاتی کمشنر ،ایس ایس پی اور دیگر اَفسران کے ساتھ سٹالوں کا چکر لگایاجنہوں نے مقامی مصنوعات کا بغور مشاہدہ کیا اور اِن سکیموں کے بارے میں دریافت کیا جو بالخصوص مقامی لوگوں کو روزی روٹی کے مواقع فراہم کرتی ہیں۔اِس موقعہ پر وزیر مملکت نے اِستفادہ کنندگان میں سپورٹس کٹس ، مصنوعی اعضاءاور آرتھو ٹکس اور آلاتِ سماعت بھی تقسیم کئے۔بعد میں وزیر مملکت موصوف نے گورنمنٹ بوائز سکینڈری سکول منیگام کا دورہ کیا جہاں اُنہوں نے سکولی بچوں کی طرف سے پیش کئے گئے ثقافتی پروگرام اور مختلف کیٹگریز میں کھیلوں کے مقابلوں کا مشاہدہ کیا۔دریں اثنا،مرکزی وزیر مملکت تعلیم اور امورِ خارجہ ڈاکٹر راج کمار رنجن سنگھ نے حال ہی میں ہائیر سکینڈری سکول منیگام میں قائم کی گئی اَتل ٹنکر نگ لیبارٹری کا بھی دورہ کیا جہاں طلباءنے اَصل اِختراعی آئیڈیاز پرمبنی ماڈلوں کی نمائش کی جس کی وزیر مملکت نے سراہنا کی۔مرکز ی وزیرمملکت نے طلباءکی صلاحیتوں کی تعریف کرتے ہوئے کہا کہ اَٹل ٹنکرنگ لیبارٹریاںطلبا کو اَپنے سائنسی علم کو استعمال کرنے اور اِس پر عمل کرنے کے لئے پلیٹ فارم مہیا کرتی ہے اور اُنہوں نے طلباءسے کہا کہ وہ معاشرے کے لئے حیرت انگیز کام کرنے کی پوری کوشش کریں گے ۔