اتھائئس برس کی عمر میں انمکت چند نے کرکٹ سے ریٹائرمنٹ لی

نوجوان کرکٹر انمکت چند نے 28سال کی عمر میں ہی ریٹائرمنٹ کا اعلان کردیا ہے۔ سال 2012میں ہندوستان کو انڈر 19ورلڈ کپ کا خطاب دلانے والے انمکت چند اب امریکہ کے لیے کرکٹ کھیل سکتے ہیں۔ انمکت چند نے انڈر 19 ورلڈ کپ کے فائنل میں ا?سٹریلیا کے خلاف ناقابل شکست سنچری بنا کر ہندوستان کو ٹائٹل تک پہنچایا تھا۔ انہیں میچ کا بہترین کھلاڑی بھی قرار دیا گیا۔ اس کے بعد یہ خیال کیا جاتا تھا کہ وہ مستقبل میں ہندوستانی کرکٹ کا ایک بڑا اسٹار بن جائے گا ، لیکن وہ ڈومیسٹک کرکٹ میں ملنے والے مواقع سے فائدہ نہیں اٹھا سکے اور اس کی کارکردگی مسلسل گرتی چلی گئی۔ وہ کبھی بھی ہندوستان کی سینئر ٹیم کا حصہ نہیں بن سکا۔