باراتیوں سے بھری بس کھائی میں گرنے سے 25 لوگوں کی موت

پوڑی گڑھوال/دہرا دون، 05 اکتوبر (یو این آئی) اتراکھنڈ کے ضلع پوڑی گڑھوال میں منگل کی دیر شام باراتیوں سے بھری بس گہری کھائی میں گرنے سے اب تک 25 لوگوں کی موت ہو گئی ہے ۔ ریاستی ڈیزاسٹر رسپانس فورس (ایس ڈی آر ایف) اور پولیس اہلکاروں اور گا¶ں والوں کے ذریعہ رات بھر کی راحت رسانی کارروائی میں، 21 باراتیوں کو زخمی حالت میں قریبی صحت مراکز میں لے جایا گیا ہے ۔ ریسکیور آپریشن ابھی بھی جاری ہے ۔ ریاست کے ڈائرکٹر جنرل آف پولس (ڈی جی پی) اشوک کمار نے بدھ کی صبح یو این آئی کو بتایا کہ اس حادثے میں اب تک پچیس لوگوں کی موت ہو گئی ہے ۔ بس میں تقریباً 45 سے 50 افراد سوار تھے ۔ واضح رہے کہ ہریدوار کے شیام پور علاقہ کے گا¶ں لالڈھنگ میں واقع شیو مندر کے پاس رہنے والے سندیپ کے بیٹے نند رام کی بارات منگل کی دوپہر ایک بجے ضلع پوڑی گڑھوال کے کنڈا گا¶ں کے لیے گھر سے نکلی تھی۔ بارات میں جانے والے افراد ایک بس میں تھے ، جب کہ دولہا سندیپ کار سے گیا تھا۔ باراتیوں کی بس پوڑی کے بیرونکھال سمدی بینڈ کے قریب حادثے کا شکار ہو گئی۔ صدر جمہوریہ دروپدی مرمو نے حادثے پر افسوس کا اظہار کیا ہے ۔ انہوں نے ٹوئٹ میں لکھا کہ اتراکھنڈ کے پوڑی گڑھوال میں بس کے وادی میں گرنے کے حادثے میں جانی ہلاکتوں سے میں غمزدہ ہوں۔ اس حادثے میں اپنے پیاروں کو کھونے والے خاندانوں کے تئیں میری گہری تعزیت ہے ۔ میں زخمیوں کی جلد صحت یابی کے لیے دعا گو ہوں۔