ہم وطنوں کے لئے خوشحالی لانے کی غرض سے ایک وسیلہ بنیں۔ مودی

ملکی سطح پر تیار کئے جانے والے چیزیں خریدیں، وزیر اعظم کی عوام سے اپیل
سرینگر/25ستمبروزیراعظم نریندر مودی نے ملکی عوام سے اپیل کی ہے کہ وہ مقامی طور پر تیار کئے جانے والے چیزیں ہی خریدیں جس سے ہم اپنے ہم وطنوںکے ساتھ ساتھ ملکی خود کفالت کےلئے بھی مدد گار ثابت ہوسکتے ہیں ۔ وزیر اعظم نے کہا کہ آنے والے سالوں میں ہندوستان مقامی صنعت میں بہت ترقی کرے گا۔اطلاعات کے طابق وزیراعظم نریندر مودی نے کہا ہے کہ ہر ایک کے لئے یہ نہایت ضروری ہے کہ ملک کے شہری خود کفیل بنیں اور وقارکے ساتھ زندگی گزاریں۔ من کی بات کے ماہانہ ریڈیو پروگرام میں وزیراعظم نے لوگوں سے کہا کہ وہ ملک میں تیار کی گئی چیزیں خریدیں۔ انہوں نے لوگوں سے کہا کہ وہ مقامی طور پر تیار کی گئی اشیاءکو رتبے اور افتخار کے ساتھ منسلک کریں اور ہم وطنوں کے لئے خوشحالی لانے کی غرض سے ایک وسیلہ بنیں۔وزیراعظم نے اترپردیش میں پھول پور کی خواتین کی مثال پیش کی جنہوں نے اپنی مدد آپ گروپ کے ذریعہ جوتے چپل تیار کرنے کا ہنر سیکھا اور بعد میں Gramin AjivikaMission کی مدد سے جوتے چپل تیار کرنے کا ایک کارخانہ قائم کیا۔نوجوانوں کی طاقت کے بارےمیں بات کرتے ہوئے وزیراعظم نے کہا کہ نوجوان بھارت ملک کی ترقی میں ایک اہم کردارادا کرے گا۔ انہوں نے کہا کہ آنے والی دہائی میں ملک کی ترقی میں 21 ویں صدی میں پیداہونے والے نوجوانوں کی سرگرم دین ہوگی۔ انہوں نے مزید کہا کہ قوم، ملک کو اور زیادہ بلندیوں تک لے جانے کے لئے اس نسل کا انتظار کررہی ہے۔وزیراعظم نے اس یقین کااظہار کیا کہ بھارت کے لئے نئی دہائی نوجوانوں کی ترقی سے بھرپور ہوگی۔ انہوں نے کہاکہ اگلی نسل بھارت کو جدید بنانے میں اہم رول ادا کرے گی۔ جناب مودی نے کہا کہ آج کانوجوان انتہائی ذہین ہے اور وہ کچھ نیا اور کچھ الگ کرنے کا خواب دیکھتا ہے۔وزیراعظم نے کہا کہ ہر نوجوان کو چاہئے کہ وہ اپنی ذمہ داریوں کے بارے میں سوچے۔وزیراعظم مودی نے علم نجوم کے شعبے میں قدیم معلومات کو سمجھنے پر زور دیا کیونکہ بھارت اس شعبے میں کافی آگے ہے۔ انہوں نے کہا کہ ملک نے مختلف مقامات پر طاقتور دوربین نصب کرنے سمیت کئی اہم اقدامات کئے ہیں۔وزیراعظم نے کہا کہ خلائی تحقیق کی بھارتی تنظیم جس کے پاس فلکیات سے متعلق سیٹلائٹ ASTROSATپہلے ہی موجود ہے۔ سورج کا مطالعہ کرنے کے لئے آدتیہ نام کا ایک سیٹلائٹ چھوڑنے کا منصوبہ بنا رہی ہے۔