75ویں یوم آزادی کے سلسلے میںجمعہ کے روز جموں و کشمیر پولیس، جموں و کشمیر آرمڈ پولیس، سی آر پی ایف، فائر اینڈ ایمرجنسی سروسز وغیرہ کے دستوں نے شہرسرینگراورجموں سمیت ٹنل کے آرپار سبھی20اضلاع میں منعقدہ ریہرسل مارچ پاسٹ میں حصہ لیا ۔سری نگرکے شیرکشمیرکرکٹ اسٹیڈیم واقع سونہ وار میں منعقدہ فل ڈریس ریہرسل کے موقعہ پرصوبائی کمشنر کشمیرپی کے پولے نے پرچم کشائی کی رسم انجام دی اور پریڈ کی سلامی لی۔اُدھر ضلعی صدرمقامات پرمنعقدہ ریہرسل کے موقعہ پر متعلقہ ڈپٹی کمشنروںنے پرچم کشائی کی رسم انجام دی اور پریڈ کی سلامی لی۔اطلاعات کے مطابق جمعہ کے روزسرینگر سمیت پوری وادی کشمیراورجموں شہرسمیت اس صوبہ کے سبھی دس اضلاع میں سخت سیکورٹی کے بیچ یوم آزادی کے سلسلے میں فل ڈرس ریہرسل کی گئی۔شہر سری نگر کے ہائی سیکورٹی زون علاقہ سونہ وار میں واقع شیر کشمیر کرکٹ اسٹیڈیم میں جمعے کی صبح فل ڈریس ریہرسل کی گئی جس میں صوبائی کمشنر کشمیر پی کے پولے نے پرچم کشائی کی رسم انجام دی اور پریڈ کی سلامی لی۔اس موقع پر جموں و کشمیر پولیس، جموں و کشمیر آرمڈ پولیس، سی آر پی ایف، فائر اینڈ ایمرجنسی سروسز وغیرہ کے دستوں اور اسکولی بچوں وبچیوں نے مارچ پاسٹ میں حصہ لیا۔کورونا وبا کے پیش نظر امسال ایک بار پھر اسکولی بچوں نے ریہرسل تقریب میں حصہ نہیں لیا۔تقریب کے حاشئے پر صوبائی کمشنرکشمیر نے کہا کہ یوم آزادی کی تقریب کے انعقاد کےلئے تمام تر تیاریوں کو حتمی شکل دی گئی ہے۔انہوں نے کہا کہ وادی کے سبھی علاقوں میں یوم آزادی کی تقریبات اچھی طرح سے منائی جائیں گی۔خیال رہے کہ جموں و کشمیر میں یوم آزادی کے موقع پر شیر کشمیرکرکٹ اسٹیڈیم میں سب سے بڑی تقریب منعقد ہوگی جس میں لیفٹیننٹ گورنر منوج سنہا پرچم کشائی یعنی ترنگالہرانے کیساتھ ساتھ مارچ پاسٹ پرسلامی لیں گے ،اوراسٹیڈیم میں موجودحاضرین سے خطاب بھی کریں گے،جس کودوردرشن سری نگرسے براہ راست دکھائی جائیگا جبکہ آل انڈیا ریڈیو کشمیر سے لیفٹنٹ گورنر کاخطاب براہ راست نشرکیاجائیگا۔اس دوران وادی کے باقی سبھی9اضلاع بشمول بارہمولہ ،بانڈی پورہ ،کپوارہ،بڈگام ،گاندربل ،پلوامہ ،شوپیان ،کولگام اوراننت ناگ کے ضلعی صدر مقامات پر بھی فل ڈریس ریہرسل تقریبات کاانعقاد ہوا ،جن میں پولیس ،فورسزاورفائراینڈایمرجنسی سروسزوغیرہ کے دستوںنے بڑھ چڑھ کرحصہ لیا۔ ضلعی صدرمقامات پر منعقدہ فل ڈریس رہیرسل کے موقعہ پرمتعلقہ ڈپٹی کمشنروںنے پرچم کشائی کی رسم انجام دی اور پریڈ کی سلامی لی۔اُدھرصوبہ جموں میں بھی جمعے کے روز یوم آزادی کے سلسلے میں فل ڈرس ریہرسل کی گئی۔جموں شہر کے مولانا آزاد اسٹیڈیم میں یوم آزادی کی سب سے بڑی تقریب منعقد ہوگی جہاں جمعے کے روز فل ڈرس ریہرسل کی گئی،اوریہاں صوبائی کمشنرجموں نے پرچم کشائی کی رسم انجام دی اور پریڈ کی سلامی لی۔جموں صوبے کے دیگر ضلع صدر مقامات پر بھی فل ڈرس ریہرسل کی گئی۔
کسی بھی تبدیلی میں نوجوانوں کے بغیر انجام نہیں دیا جاسکتا ۔ امت شاہ
نوجوان جموں کشمیر کی ترقی میں اپنا رول اداکررہے ہیںمرکزی...
