وزیراعظم نریندر مودی نے بی جے پی کی سربراہی والی میونسپلکارپوریشنوں کے میئروں سے زور دے کر کہا ہے کہ وہ عوام کی بہبود کو ذہن میں رکھتے ہوئےاپنے شہروں کی ترقی پر توجہ دیں اور زندگی بسر کرنے میں سہولتیں پیدا کرنے کو ترجیحدیں۔ گاندھی نگر میں ویڈیو کانفرنسنگ کے ذریعے بی جے پی کے میئروں کے دو روزہ اجتماع سے خطاب کرتے ہوئے وزیراعظم نے ان سے کہا کہ وہ عوام کو شامل کر کے اپنے شہروں کی بہتریکے لئے کام کریں۔ انہوں نے کہا کہ میونسپل کارپوریشنس لوگوں کی روز مرہ کی زندگی کےساتھ قریبی طور پر منسلک ہیں۔ لہذا میئروں کی یہ ذمہ داری ہے کہ وہ شہریوں کا اعتمادحاصل کریں۔ جناب مودی نے میئروں سے کہا کہوہ اپنے شہروں کی منصوبہ بند ترقی، اقتصادی مراکز کے قیام، بہتر شہری ٹرانسپورٹ اورہاوسنگ اور صفائی ستھرائی پر توجہ مرکوز کریں۔ وزیراعظم نے کہا کہ 2014 سے پہلے ملکمیں محض 250 کلو میٹر میٹرو ریل نیٹ ورک تھا جو اب بڑھ کر 775 کلومیٹر ہو گیا ہے۔ انہوںنے بتایا کہ ملک میں ایک ہزار کلو میٹر سے زیادہ میٹرو ریل نیٹ ورک پر کام کاج جاریہے۔ انہوں نے یہ بھی کہا کہ بی جے پی سرکار شہروں میں جدید سہولتیں فراہم کرنے پر توجہدے رہی ہے۔ انہوں نے میئروں سے کہا کہ وہ اپنے شہروں کو اس سطح پر لے جائیں کہ آنےوالی نسلیں ان کے کام کو یاد کریں گے۔ پارٹی صدر جے پی نڈا ، وزیراعلیٰ بھوپیندر پٹیلاور بی جے پی کے ریاستی یونٹ کے سربراہ سی آر پاٹل اس موقع پر موجود تھے۔