چین روس کیساتھ باہمی تعاون کو فروغ دینے کیلئے تیار

سربراہوں کی رہنمائی میں دوطرفہ تعلقات ہمیشہ درست راستے پر مضبوطی سے آگے بڑھ گئے
ماسکو، 14 ستمبر (یو این آئی) چین نے کہا ہے کہ مشترکہ مفادات کے تحفظ کے لیے روس کے ساتھ کام کرنے کے لیے تیار ہیں۔ غیر ملکی میڈیا کے مطابق چینی کمیونسٹ پارٹی کے پولٹ بیورو کے رکن یانگ جیچی نے چین تعینات روسی سفیر آندرے ڈینسوف کے ساتھ ملاقات کی۔ملاقات میں یانگ جیچی نے کہا کہ مشترکہ مفادات کے تحفظ کے لیے روس کے ساتھ مل کر کام کرنے کے لیے تیار ہیں، چین اعلیٰ سطحی تزویراتی تعاون کو مسلسل نافذ کرنے دونوں ممالک کے مشترکہ مفادات کے تحفظ اور بین الاقوامی نظام کی ترقی اور باہمی تعاون کو فروغ دینے کے لیے ہمیشہ تیار ہے ۔ انہوں نے کہا کہ دونوں ممالک کے سربراہوں کی رہنمائی میں دوطرفہ تعلقات ہمیشہ درست راستے پر مضبوطی سے آگے بڑھے ہیں، فریقین دونوں ممالک کے کلیدی مفادات سے وابستہ مسائل پر ایک دوسرے کی مضبوطی سے حمایت کرتے ہیں اور بین الاقوامی اور کثیر جہتی میکانزم میں قریبی تعاون کرتے ہیں۔ اس موقع پر روسی سفیر آندرے ڈینسوف نے بتایا کہ دونوں سربراہان مملکت کی رہنمائی میں روسی اور چینی تعلقات نے اہم نتائج حاصل کیے ہیں اور ایک نئے دور میں داخل ہو رہے ہیں۔