اننت ناگ کے آرونی گاﺅں میں مسلح تصادم ، ایک عدم شناخت جنگجو جاں بحق

جنوبی ضلع اننت ناگ کے آرونی گاوں میں عسکریت پسندوں اور سیکورٹی فورسز کے مابین جھڑپ میں ایک عدم شناخت جنگجو جاں بحق ہوا ہے۔ پولیس ذرائع نے اسکی تصدیق کرتے ہوئے بتایا کہ علاقے میں تلاشی آپریشن جاری ہے۔ ذرائع کے مطابق جمعرات اور جمعہ کی درمیانی رات کو سیکورٹی فورسز نے مصدقہ اطلاع موصول ہونے کے بعد اننت ناگ کے آرونی گاﺅں کو محاصرے میں لے کر جونہی تلاشی آپریشن شروع کیا تو اسی اثنا میں وہاں پر موجود جنگجوﺅں نے فورسز پر فائرنگ شروع کی۔ ذرائع نے بتایا کہ حفاظتی عملے نے بھی پوزیشن سنبھال کر جوابی کارروائی کی جس دوران شدید گولیوں کا تبادلہ شروع ہوا۔ ذرائع نے بتایا کہا کہ نماز فجر کے بعد سیکورٹی فورسز نے تصادم کی جگہ ایک عدم شناخت جنگجو کی لاش برآمد کی جس کی شناخت اور تنظیمی وابستگی کے بارے میں جانچ پڑتال شروع کی گئی ہے۔ ذرائع نے بتایا کہ سیکورٹی فورسز نے ایک وسیع علاقے کو محاصرے میں لے کر فرار ہونے کے سبھی راستوں پر پہرے بٹھا دئے ہیں۔ ذرائع نے بتایا کہ علاقے میں مزید دو عسکریت پسندوں کی موجودگی کی سیکورٹی فورسز کو اطلاع ملی ہے جس کی بنا پر گاﺅں کو پوری طرح سے فورسز نے محاصرے میں لے رکھا ہے۔ ذرائع کا کہنا ہے کہ تصادم کے دوران ہی ایک سے دو جنگجو فورسز کو چکمہ دے کر فرار ہونے میں کامیاب ہوئے ہیں جن کی بڑے پیمانے پر تلاش شروع کی گئی ہے۔ پولیس ذرائع نے بتایا کہ آرونی گاﺅں میں ایک عسکر یت پسند جاں بحق ہوا جس کی شناخت اور تنظیمی وابستگی کے بارے میں جانچ پڑتال شروع کی گئی ہے۔ ادھر پولیس نے عوام سے پ±ر زور اپیل کی ہے کہ وہ جائے تصادم پر جانے سے تب تک گریز کیا کریں جب تک ا±سے پوری طرح سے صاف قرار نہ دیا جائے کیونکہ پولیس اور دیگر سلامتی ادارے لوگوں کے جان و مال کی محافظ ہے لہذا لوگوں کی قیمتی جانوں کو بچانے کیلئے پولیس ہر ممکن کوشش کرتی ہے۔ چنانچہ ممکن طور جھڑپ کی جگہ بارودی مواد اگر پھٹنے سے رہ گیا ہو تو ا±س کی زد میں آکر کسی کی جان بھی جاسکتی ہے۔ اسی لئے لوگوں سے بار بار اپیل کی جاتی ہے کہ وہ جھڑپ کی جگہ کا رخ کرنے سے اجتناب کریں۔ لوگوں سے التجا کی جاتی ہے کہ وہ حفاظتی عملے کو اپنا کام بہ احسن خوبی انجام دینے میں بھر پور تعاون فراہم کریں تاکہ کوئی ناخوشگوار واقع پیش نہ آسکیں۔