تاریخی مغل روڈ بدستور بند،باقی سڑکوںپر ٹریفک بحال

حالیہ برف باری کے بعد سے شوپیان کوخطہ پیرپنچال سے ملانے والاتاریخی مغل روڈ بدستور بندہے تاہم گریزبانڈی پورہ اورکپوارہ کرناہ سڑکیں کھول دی گئیں۔ حکام نے بتایاکہ جنوبی کشمیر کے شوپیاں کو جموں ڈویڑن کے راجوری وپونچھ اضلاع سے جوڑنے والی روایتی مغل سڑک بدھ کو مسلسل چوتھے دن بھی بند رہی۔حکام نے بتایاکہ شمالی کشمیر کے بانڈی پورہ ضلع میں رازدان ٹاپ کے مقام پراتوار کوبرف باری ہونے کے بعد گریزشاہراہ کو احتیاطی اقدام کے طور پر بند کر دیا گیا تھا،تاہم بدھ کے روز اس سڑک کو گاڑیوں کی آمدورفت کےلئے کھول دیاگیا۔انہوں نے مزید کہا کہ اس کے علاوہ، سرحدی کشمیر ضلع کپواڑہ میں کیرن اور کرناہ سڑکوں کو بھی برف سے صاف کر دیا گیا تھا اور ان پر ٹریفک کو چلنے کی اجازت دی گئی ۔ حکام نے کہاکہ پیر کے روز مغل روڈ پر برف ہٹانے کا آپریشن سڑک پر پھسلن کی وجہ سے جاری نہیں رہ سکا۔انہوںنے بتایاکہ مغل روڑکوقابل آمدورفت بنانے کی کارروائی جاری رہی اور اگر موسم سازگار رہا تو بدھ کی شام تک سڑک کو کھول دیاجائیگا۔ادھرسری نگر جموں قومی شاہراہ کو دونوں طرف گاڑیوں کی آمدورفت کے لئے منگل کے روز کھول دیاگیاتھاجبکہ سری نگرلداخ ہائی وے کوبھی گاڑیوں کی آمدورفت کیلئے کھول دیاگیاہے۔