نوین چودھری کادورہ بارہمولہ، ترقیاتی منظرنامے کا جائزہ لیا

پرنسپل سیکرٹری زرعی پیداوار اور بہبودِ کساناں نوین کمار چودھری نے آج ضلع بارہمولہ کا دورہ کیا اور وہاں اُنہوں نے ضلع کی مجموعی ترقیاتی صورتحال کا جائزہ لیا۔ابتداً پرنسپل سیکرٹری نے ڈی ڈی سی ممبران کے ساتھ ایک استفساری میٹنگ کی صدارت کی جس کا مقصد ترقیاتی کاموں سے متعلق ان کے خدشات کا پہلے سے جائزہ لینا تھا ۔ڈی ڈی سی ارکان نے کئی شکایات کو اُجاگر کرکے ان کا بروقت ازالہ کرنے کا مطالبہ کیا۔ڈی ڈی سی چیئرپرسن سفینہ بیگ نے ایک پرزنٹیشن پیش کی جس میں اُنہوں نے ترقیاتی اہمیت کے حامل کئی معاملات پر روشنی ڈالی ۔اُس نے ترقیاتی خدشات سے متعلق مختلف مسائل اور مطالبات کا بھی جائزہ لیا اور انہوں نے ترقیاتی اُمنگوں کو پورا کرنے کے لئے پرنسپل سیکرٹری سے ذاتی مداخلت کی درخواست کی۔پرنسپل سیکرٹری نے اُن کو بغور سنا او ریقین دِلایا کہ پی آر آئی کے تمام ترقیاتی خدشات کو پورا کیا جائے گا ۔ اُنہوں نے انہیں زمینی سطح پر سماجی و اقتصادی ترقی کا حقیقی ایجنٹ قرار دیا۔پرنسپل سیکرٹری نے مختلف متعلقہ افسران کو ترقیاتی خدشات سے متعلق کئی مسائل کے حل کے حوالے سے موقعہ پر ہدایات بھی جاری کیں۔بعد میں نوین کمار چودھری نے متعلقہ محکموں کے سربراہوں کے ساتھ ایک علیحدہ میٹنگ کی صدارت کی ۔ انہوں نے ضلع میں مختلف ایگزیکٹو ایجنسیوں کی طرف سے کئے گئے کچھ بڑے ترقیاتی منصوبوں کی رفتار اور پوزیشن کا جائزہ لیا۔اِس موقعہ پر ضلع ترقیاتی کمشنر بارہمولہ بھوپندر کمار نے ایک بذریعہ پاور پوائنٹ پرزنٹیشن مختلف شعبوں کی حصولیابیوں کی پیش رفت اور کارکردگی کا تفصیلی جائزہ پیش کیا۔ اُنہوں نے کووِڈ۔19 وَبائی مرض کی موجودہ صورتحال اور جاری ٹیکہ کاری مہم سے آگاہ کیا جو ضلع میں وائرس کے مزید پھیلاو¿ سے نمٹنے کے لئے شروع کی گئی ہے۔پرنسپل سیکرٹری نے شعبہ وار اور جامع جائزہ لینے کے بعد اَفسران پر زور دیا کہ وہ ترقیاتی منصوبوں کی تکمیل کے لئے مقرر کردہ وقت کی سختی سے پابندی کریں۔اُنہوں نے تمام دستیاب وسائل کو پیداواری طور پر بروئے کار لانے کی ہدایت دی۔