جوہری پلانٹ پر کوئی بھی حملہ خودکشی کے مترادف

دہائیوں کے بعد جوہری تصادم کا خطرہ واپس آ گیا : انتونیو گتریس
کیف :۸ اگست (ایجنسیز) یوکرین میں ایک جوہری پلانٹ پر گولہ باری کے کے بعد اقوام متحدہ کے سیکریٹری جنرل انتونیو گتریس نے خبردار کرتے ہوئے کہا ہے کہ جوہری پلانٹ پر کوئی بھی حملہ ’خودکشی‘ کے مترادف ہے۔ پیر کو ٹوکیو میں ایک پریس کانفرس میں انہوں نے جوہری پلانٹ پر حملوں کی مذمت کرتے ہوئے کہا کہ دہائیوں کے بعد جوہری تصادم کا خطرہ واپس آگیا ہے۔اقوام متحدہ کے سیکریٹری جنرل نے جوہری ریاستوں پر زور دیا کہ وہ ہتھیاروں کے استعمال میں پہل نہ کرنے کا عزم کریں۔ انتونیو گتریس نے کہا کہ ’جوہری پلانٹ پر کوئی بھی حملہ خودکشی کے مترادف ہے۔ مجھے امید ہے کہ حملے بند ہوں گے اور میں یہ بھی امید کرتا ہوں کہ ا?ئی اے ای اے کو پلانٹ تک رسائی دی جائے گی۔‘ اقوام متحدہ کے سیکریٹری جنرل نے جاپان میں دنیا کے پہلے جوہری حملے کی 77 ویں برسی کے موقع پر موجود ہیں۔ ماسکو اور کیئف جوہری پلانٹ ڑاپورریڑیا پلانٹ پر حملے کا ذمہ دار ایک دورے کو ٹھہراتے ہیں۔ یہ یورپ کا سب سے جوہری پلانٹ ہے جو جنگ کے ابتدائی دنوں سے روس کے زیر قبضہ ہے تاہم تکنیکی عملہ اب بھی یوکرین کا ہے۔انٹرنیشنل اٹامک انرجی ایجنسی (آئی اے ای اے) نے ڑاپورریڑیا جوہری پلانٹ پر گولہ باری تشویش کا اظہار کیا تھا اور کہا تھا کہ پلانٹ کے قریب لڑائی کو فوری طور پر روک دینا چاہیے۔