یوکرین کے بعض حصوں پر قبضہ کرنے کی منصوبہ بندی

روس یوکرین کے ناجائز روسی حامیوں کے ساتھ رائے شماری کرانے کا ڈرامہ کرے گا : یوکرین
واشنگٹن، ۰۲جولائی (یو این آئی) امریکہ نے روس پر یوکرین کے کچھ حصوں پر قبضہ کرنے کی منصوبہ بندی کا الزام لگایا ہے ۔ امریکہ کا الزام ہے کہ روس کریمیا کے الحاق کی طرح کی حکمت عملی اپنا کر یوکرین کے مزید کچھ علاقوں کو اپنے اندر شامل کرنے کی کوشش کر رہا ہے ۔ بی بی سی نے اپنی رپورٹ میں یہ اطلاع دی۔ امریکی محکمہ دفاع کے ہیڈکوارٹر پینٹاگون کے پریس سیکرٹری جان کربی نے امریکی انٹیلی جنس کے حوالے سے کہا ہے کہ روس نے پہلے ہی یوکرین کے مزید علاقوں کو ضم کرنے کی منصوبہ بندی شروع کر دی ہے۔ انہوں نے کہا کہ روس یوکرین کے ناجائز روسی حامیوں کے ساتھ رائے شماری کرانے کا ڈرامہ کرے گا تاکہ یہ ثابت کیا جا سکے کہ یوکرین کے عوام روس میں شامل ہونے پر راضی ہیں۔ مسٹر کربی نے کہاکہ ریفرنڈم کے نتائج کو روس کی طرف سے یوکرین کے علاقے پر قبضے کا دعوی کرنے کی کوشش کے طور پر استعمال کیا جائے گا۔روس نے 2014 میں اسی طرح کریمیا کو باضابطہ طور پر الحاق کر لیا تھا۔مسٹر کربی نے کہا کہ جو علاقے اس وقت یوکرین کو دیکھ رہے ہیں ان میں کھیرسن، زاپوریزہ، ڈونیٹسک اور لوہانسک شامل ہیں۔