یوکرین کے شہروںمیں روس کے حملے جاری

وینیسا ائر پورٹ اور پُل مکمل طورپرتباہ ، مزید 3ہلاکتیں
ماسکو، کیف ، 7 مارچ(یواین آئی) یوکرین کے شہروں خارکیف، چرنی ہیف اور ماریو پول پر روس کے حملے جاری ہیں جبکہ دارالحکومت کیف میں بھی لڑائی جاری ہے۔ یوکرین کے صدارتی ترجمان کے مطابق روس کے حملوں میں وینیسا ائیرپورٹ مکمل طورپرتباہ ہو گیا ہے۔ یوکرین کے دارالحکومت کیف کے قریبی علاقے ارپن میں روسی افواج کی شیلنگ میں 3 شہری ہلاک ہو گئے اور ایک پل بھی تباہ ہوا۔ میڈیا رپورٹس کے مطابق روسی افواج کی پیشقدمی روکنے کے لیے یوکرین آرمی نے ارپن اور بوجا دریاو¿ں کے پل تباہ کر دیئے جس کے باعث بڑی تعداد میں شہریوں کا ارپن کے علاقے سے انخلا جاری ہے۔ روسی صدر سے ترک اور فرانسیسی صدور نے ٹیلی فونک گفتگو کی جس میں یوکرین میں جنگ بندی پر زور دیا گیا۔ روسی صدر نے جواب دیا کہ یوکرین کی طرف سے لڑائی بند کرنے پر ہی یوکرین میں فوجی آپریشن ر±کے گا، کسی بھی طرح روس اپنے مقاصد حاصل کر کے رہے گا۔ جنگ زدہ علاقوں سے شہریوں کا انخلا جاری ہے اور یوکرین پر 24 فروی کے روسی حملے کے بعد سے اب تک 10 لاکھ سے زائد پناہ گزین پولینڈ میں داخل ہو چکے ہیں۔ روسی فوج کے حملے کی صورت میں مزاحمت کے لیے یوکرین کی راجدھانی کیف کی ا ہم شا ہراو¿ں پر چیک پوسٹ بنادیئے گئے ہیں۔