برازیل میں موسلادھار بارش سے ہلاکتوں کی تعداد 136 ہوگئی

برازیلیا(یو این آئی/ اسپوتنک) برازیل میں ریو دی جنیرو کے شمال میں واقع شہر پیٹروپولیس میں موسلابارشوں کے نتیجے میں آنے والے سیلاب اور لینڈ سلائیڈنگ سے مرنے والوں کی تعداد بڑھ کر 136 ہو گئی ہے ۔برازیل کے براڈکاسٹر جی ون کے مطابق اب تک 213 افراد لاپتہ ہیں۔ منگل کے روز برازیل میں شدید بارش ہوئی تھی، جس کے بعد لینڈ سلائیڈنگ اور سیلاب آنے سے بڑے پیمانے پر نقصان پہنچا ہے ۔برازیل کے صدر جیار بولسونارو نے تمام وزراءسے کہا ہے کہ وہ پیٹروپولیس میں سیلاب سے متاثرہ افراد کی مدد کریں۔ ریو دی جنیرو کے گورنر کلاڈیو کاسترو نے اسے 1932 کے بعد کا بدترین سیلاب قرار دیا ہے ۔