ترک پولیس نے بھارتی شہری کو اغوا کرنے کے الزام میں تین پاکستانیوں کو گرفتارکیا

 انقرہ / ترکی کی پولیس نے اتوار کے روز اعلان کیا کہ انہوں نے ادرنے شہر میں ایک ہندوستانی شہری کو اغوا کرنے کے الزام میں تین پاکستانیوں کو گرفتار کر لیا ہے۔ملک کی پولیس نے بتایا کہ اغوا کاروں نے ہندوستانی شخص کے خاندان سے 20 لاکھ ہندوستانی روپے، جو کہ 24,000 ڈالر کے مساوی ہیں، کا مطالبہ کیا۔ترک میڈیا نے مزید کہا کہ رادھا کرشنن نامی ایک نوجوان ہندوستانی جو کام کے لیے ترکی آیا تھا، استنبول کے ایک ریستوران میں برتن دھو رہا تھا۔اطلاعات کے مطابق تقریباً ایک ماہ قبل تین پاکستانی سیاسی پناہ کے متلاشیوں نے رادھا کرشنن کو ایک ٹرانسلیشن کمپنی میں نوکری دلانے کے بہانے ایڈرن لے گئے اور پھر اغوا کر لیا۔نوجوان کے دوست کی جانب سے ترک پولیس سے رابطہ کرنے کے بعد ملک کے سیکیورٹی حکام نے آپریشن کے ذریعے اسے ایڈرن کے ایک گھر سے بازیاب کرایا۔ترک پولیس نے میڈیا کو بتایا کہ اغوا کاروں نے اس نوجوان کے ہاتھ پاؤں باندھ دیے تھے اور اس کے اہل خانہ کو ویڈیو بھیج کر دھمکیاں دی تھیں۔اطلاعات کے مطابق ترک پولیس نے پاکستانی پناہ گزینوں کے گھر پر کارروائی کے دوران ایک غیر لائسنسی آتشیں اسلحہ، چار پستول اور بھاری رقم برآمد کر لی۔اس واقعے میں مجرمانہ ریکارڈ رکھنے والے ترک شہری کو اغوا کاروں کو پناہ دینے کے الزام میں گرفتار کیا گیا ہے۔