خیبر  پختونخواں میںزلزلہ سے 9 ہلاک، 44 زخمی

 خیبرپختونخوا ۔22؍ مارچ/ خیبر پختونخوا کے کچھ حصوں میں ایک طاقتور زلزلے کے جھٹکوں کے بعد ایک کمسن بچی سمیت 9 افراد ہلاک اور 44 دیگر زخمی ہو گئے۔ اے آر وائی نیوز نے بدھ کو صوبائی ڈیزاسٹر مینجمنٹ اتھارٹی  کے حوالے سے یہ اطلاع دی۔پاکستان کے شمال مغربی حصے میں منگل کی شام 6.8 شدت کے زلزلے کے جھٹکے محسوس کیے گئے۔سیکرٹری ریلیف نے بتایا کہ زخمیوں کو ریسکیو 1122 کی ٹیموں نے بروقت ابتدائی طبی امداد دی اور انہیں ہسپتال منتقل کر دیا گیا۔ انہوں نے مزید کہا کہ زلزلے سے اب تک 19 مکانات کو جزوی نقصان پہنچا ہے۔سیکرٹری ریلیف نے کہا کہ زلزلے کے دوران ضلعی انتظامیہ، ریسکیو اور سول ڈیفنس حکام کو الرٹ رہنے کو کہا گیا ہے۔ صورتحال پر نظر رکھی جارہی ہے اور عوام کو مشورہ دیا گیا ہے کہ وہ 1122 اور 1700 پر کسی بھی ناخوشگوار واقعے کی اطلاع دیں۔منگل کو افغانستان تاجکستان کے سرحدی علاقے میں 6.8 شدت کے زلزلے کے جھٹکے محسوس کیے گئے جس کے بعد پاکستان، بھارت، افغانستان، چین اور دیگر ممالک کے مختلف حصوں میں زلزلے کے جھٹکے محسوس کیے گئے۔زلزلے کے جھٹکے پاکستان، افغانستان، چین، بھارت، تاجکستان، ترکمانستان، قازقستان، ازبکستان اور کرغزستان میں محسوس کیے گئے۔پاکستان کے محکمہ موسمیات (پی ایم ڈی) کے مطابق، پنجاب، خیبرپختونخوا (کے پی) اور  پی او کے  کے مختلف شہروں میں زلزلے کے جھٹکے محسوس کیے گئے۔پی ایم ڈی کا کہنا تھا کہ ریکٹر اسکیل پر زلزلے کی شدت 6.8 ریکارڈ کی گئی اور مرکز 180 کلومیٹر کی گہرائی میں افغانستان کا ہندوکش علاقہ تھا۔