عالیہ بھٹ نے ‘گنگوبائی کاٹھیواڑی’ کا نیا پوسٹر شیئر کیا

ممبئی، 3 فروری (یو این آئی) بالی ووڈ اداکارہ عالیہ بھٹ نے اپنی آنے والی فلم گنگوبائی کاٹھیاواڑی کا نیا پوسٹر شیئر کیا ہے سنجے لیلا بھنسالی کی ہدایت کاری میں بنی فلم گنگوبائی کاٹھیاواڑی میں عالیہ بھٹ نے مرکزی کردار نبھایا ہے عالیہ اس فلم میں گنگوبائی کاٹھیاوادی کے کردار میں نظر آئیں گی یہ فلم ممبئی کے کاماتھی پورہ کے ایک کوٹھے کی میڈم گنگوبائی کوٹھے والی کی زندگی سے متاثر ہے اور حسین زیدی کی کتاب ‘مافیا کوئینس آف ممبئی’ کے ایک باب پر مبنی ہے۔عالیہ بھٹ نے اپنے نئے پوسٹر کے ساتھ مداحوں کو فلم کی ریلیز کی تاریخ کے ساتھ ساتھ بتایا کہ اس فلم کا ٹریلر کب ریلیز ہو رہا ہے۔عالیہ بھٹ نے اپنے انسٹاگرام پر فلم کا نیا پوسٹر شیئر کیا۔اس پوسٹر میں عالیہ بھٹ سفید ساڑھی میں نہایت وضع دار طریقے سے ہاتھوں کے نیچے تکیے دبائے چارپائی پر بیٹھی ہوئی ہیں۔اس پوسٹر کو شیئر کرنے کے ساتھ ہی عالیہ بھٹ نے کیپشن میں لکھا ”آ رہی ہے گنگو۔چار تاریخ کو آرہا ہے فلم کا ٹریلر “۔فلم ‘گنگوبائی کاٹھیاواڑی’ 25 فروری کو سینما گھروں میں ریلیز ہونے کے لئے پوری طرح تیار ہے۔اس فلم میں اجے دیوگن خاص کردار میں نظر آئیں گے۔