جدوجہد آزادی کے جذبہ کو لوگوں تک پہنچانا ہر ایک کی ذمہ داری:وینکیا نائیڈو

حیدرآباد:15اگست(یواین آئی)سابق نائب صدر وینکیا نائیڈو نے کہا ہے کہ آزادی صرف شہیدوں کی قربانیوں سے ملی ہے ۔ شمس آباد کے قریب سوارنا بھارتی ٹرسٹ میں ملک کی آزادی کے 75برس کی تکمیل کے موقع پر منعقدہ تقریب کے موقع پرانہوں نے قومی پرچم لہرا کر شہداءکو خراج عقیدت پیش کیا۔تقریب سے خطاب کرتے ہوئے وینکیا نائیڈو نے کہا کہ جدوجہد آزادی کے جذبہ کو لوگوں تک پہنچانا ہر ایک کی ذمہ داری ہے ۔ وینکیا نائیڈو نے کہا کہ ہم دنیا میں ایک ترقی پذیر ملک ہونے کے باوجود بعض شعبوں میں پیچھے ہیں۔ اس کے علاوہ مذہبی کشیدگی،سماجی امتیاز،صنفی امتیاز کو ختم کیا جانا چاہئے ۔ خواتین کو تمام شعبوں میں مردوں کے برابر مواقع فراہم کیے جائیں اور یہ تسلیم کیا جائے کہ وہ ہمارے برابر ہیں۔ وینکیا نائیڈو نے زور دیتے ہوئے کہا کہ ملک میں غربت کا خاتمہ ہونا چاہئے ۔