ہندوستان مالدیپ کو 10 کروڑ ڈالر کا قرض دے گا

دفاع، سلامتی نظام کی مضبوطی، بحری جہازاور 61 جزیروں میں پولیس کے بنیادی ڈھانچے میں امداد کا اعلان
نئی دہلی، ۲اگست (یو این آئی) ہندوستان نے مالدیپ کے گریٹر مالے کنیکٹیویٹی پروجیکٹ سمیت مختلف پروجیکٹوں کو وقت پر پورا کرنے کےلئے دس کروڑ ڈالر کے اضافی لائن آف کریڈٹ کے ساتھ ہی ملک کی دفاع، سلامتی کے نظام کو مضبوط بنانے کے لیے اور ایک بحری جہازاور 24 گاڑیاں دینے کے ساتھ 61 جزیروں میں پولیس کے بنیادی ڈھانچے کو مضبوط کرنے کا آج اعلان کیا۔یہ فیصلے وزیر اعظم نریندر مودی اور مالدیپ کے صدر ابراہیم محمد صالح کے درمیان حیدرآباد ہا¶س میں وفود کی سطح کی دو طرفہ میٹنگ میں کئے گئے ۔ مسٹر صالح کل نئی دہلی آئے ہیں۔ پہلے دونوں رہنما¶ں کے درمیان نجی گفتگو ہوئی اور پھر وفود کی سطح پر ملاقات ہوئی۔ میٹنگ میں ہندوستان نے مالدیپ کو 2030 تک صفر کاربن اخراج کا ہدف حاصل کرنے میں مدد کرنے کا یقین دلایا۔ملاقات کے بعد اپنے پریس بیان میں صدر صالح کا خیرمقدم کرتے ہوئے مسٹر مودی نے کہا کہ ہندوستان اور مالدیپ کے درمیان دوستانہ تعلقات میں گزشتہ چند برسوں میں نئی قوت آئی ہے ، ہماری قربتیں بڑھی ہیں۔ وبائی امراض سے درپیش چیلنجوں کے باوجود ہمارا تعاون ایک وسیع شراکت داری کی شکل اختیار کر رہا ہے ۔وزیر اعظم نے کہا کہ انہوں نے آج صدر صالح کے ساتھ مختلف موضوعات پر وسیع بات چیت کی۔ انہوں نے دوطرفہ تعاون کی تمام جہتوں کا جائزہ لیا اور اہم علاقائی اور عالمی امور پر بھی تبادلہ خیال کیا۔انہوں نے کہاکہ ابھی کچھ دیر پہلے ہم نے گریٹر مالے کنیکٹیویٹی پروجیکٹس کے آغاز کا خیر مقدم کیا۔ یہ مالدیپ میں بنیادی ڈھانچے کا سب سے بڑا منصوبہ ہوگا۔ ہم نے آج گریٹر مالے میں 4000 گھروں کی تعمیر کے منصوبے کا جائزہ لیا ہے ۔ مجھے یہ اعلان کرتے ہوئے خوشی ہو رہی ہے کہ ہم 2000 گھروں کے لیے مالی امداد بھی فراہم کریں گے ۔ "ہم نے 10 کروڑ ڈالر کا اضافی قرض فراہم کرنے کا بھی فیصلہ کیا ہے تاکہ تمام منصوبے مقررہ وقت میں مکمل ہوں۔ مسٹر مودی نے کہا کہ بحر ہند میں بین الاقوامی جرائم، دہشت گردی اور منشیات کی اسمگلنگ کا خطرہ سنگین ہے اور اس لیے دفاع اور سلامتی کے شعبہ میں ہندوستان اور مالدیپ کے درمیان قریبی رابطہ اور تال میل پورے خطے کے امن اور استحکام کے لیے اہم ہے ۔ ہم نے ان تمام مشترکہ چیلنجوں کے خلاف اپنا تعاون بڑھایا ہے ۔ اس میں مالدیپ کے سیکورٹی اہلکاروں کے لیے صلاحیت سازی اور تربیتی معاونت بھی شامل ہے ۔