جی 20 سربراہی اجلاس کے نتائج  آئندہ دہائیوں میں عالمی نظام کو نئی شکل دینے میں مدد  دیں گے۔ نائب صدر

 نئی دلی/  بھارت کے نائب صدر اور راجیہ سبھا کے چیئرمین جناب جگدیپ دھنکھر نے آج نئی دہلی میں جی 20 لیڈروں کی چوٹی کانفرنس کے کامیاب انعقاد پر قوم کو مبارکباد دی۔ سربراہی اجلاس کے نتائج کو ’’تبدیلی‘‘ قرار دیتے ہوئے، انہوں نے اس یقین کا اظہار کیا کہ یہ نتائج آنے والی دہائیوں میں عالمی نظام کی تشکیل نو میں مدد کریں گے۔راجیہ سبھا کے 261 ویں اجلاس کے آغاز پر ایوان سے خطاب کرتے ہوئے نائب صدر نے زور دیا کہ G20 کی ہندوستان کی صدارت نے عالمی سطح پر ملک کے قد کو بلند کیا ہے۔ یہ نوٹ کرتے ہوئے کہ یہ صدارت  ‘جامع،بلند حوصلہ جاتی  اور  شہریوں پر مرکوز’ تھی۔ انہوں نے قیادت کے اس وژن کی تعریف کی جس نے اسے حقیقی معنوں میں  عوام کی   جی۔ 20  بنادیا، جس کی رسائی ہندوستان کی تمام ریاستوں اور مرکز کے زیر انتظام علاقوں تک پھیلی ہوئی ہے۔نئی دہلی جی 20 لیڈروں کے اعلامیہ کی طرف توجہ مبذول کراتے ہوئے، جسے متفقہ طور پر اور اتفاق رائے سے منظور کیا گیا، نائب صدر نے ‘ شمالی-جنوب کی تقسیم کو ختم کرنے اور مضبوط مشرقی-مغربی پولرائزیشن پر قابو پانے’ میں ہندوستان کے کردار کے عالمی اعتراف پر زور دیا۔ نائب صدر نے زور دے کر کہا کہ اس طرح یہ اعلان تقسیم سے بھری دنیا میں امن اور اعتدال کی آواز کے طور پر ہندوستان کی پہچان ہے۔سربراہی اجلاس کے دوران ہندوستان-مشرق وسطی یورپ اقتصادی راہداری اور گلوبل بایو ایندھن اتحاد کا خصوصی تذکرہ کرتے ہوئے، نائب صدر نے بہت سے ایسے اقدامات کی طرف توجہ مبذول کروائی جنہوں نے ہندوستان کے لئے ایک اہم قائدانہ کردار کے ساتھ مزید مربوط مستقبل کے بیج بوئے ہیں۔  انہوں نے اس بات پر بھی روشنی ڈالی کہ کس طرح ہندوستان کی صدارت نے ‘G20 ڈسکورس کے مرکز میں گلوبل ساؤتھ کی آواز لانے’ میں اہم کردار ادا کیا ہے۔ انہوں نے وضاحت کرتے ہوئے کہا کہ افریقی یونین کو G20 کے مستقل رکن کے طور پر قبول کیا جانا بھی وزیر اعظم نریندر مودی کی قیادت میں کی گئی پہل کا نتیجہ ہے۔اس بات پر روشنی ڈالتے ہوئے کہ G20 کی توجہ محض اقتصادی مرکز سے زیادہ وسیع تر انسانی مرکوز نقطہ نظر کی طرف منتقل ہو گئی ہے، نائب صدر نے پائیدار ترقی کے اہداف کو حاصل کرنے، ڈیجیٹل پبلک انفراسٹرکچر کے قیام، گرین ڈیولپمنٹ معاہدے کو فروغ دینے اور خواتین کی حوصلہ افزائی کے لیے دی گئی ترجیح کی تعریف کی۔  آنے والے پارلیمنٹ -20 فورم کے پیش نظر، انہوں نے ایوان کے اراکین سے مطالبہ کیا کہ وہ دنیا کو ‘جمہوریت کی ماں’ میں خوش آمدید کہنے اور ‘ واسودھائیو کٹمبکم- ایک زمین، ایک خاندان، ایک مستقبل’ کے موضوع پر تعمیر کرنے میں حصہ لیں۔