کابینہ کمیٹی نے  نئی مرکزی اسکیم ’ پی ایم وشوکرما‘ کو منظوری دی

نئی دہلی/  وزیر اعظم نریندر مودی کی صدارت میں اقتصادی امور کی کابینہ کمیٹی نے ایک نئی مرکزی سیکٹر اسکیم ’ پی ایم وشوکرما‘ کو منظوری دی۔ مرکزی وزیر اشونی ویشنو نے کہا کہ اس اسکیم کا اعلان وزیر اعظم نے منگل کو اپنی یوم آزادی کی تقریر میں کیا تھا، اس سے 30 لاکھ کاریگروں اور ان کے خاندانوں کو فائدہ پہنچے گا۔انہوں نے مزید کہا کہ یہ اسکیم، 2028 تک پانچ سال کی مدت کے لیے 13,000 کروڑ روپے کے مالی اخراجات کے ساتھ،  پہلے مرحلہ میں 18 روایتی تجارتوں کا احاطہ کرے گی۔پی ایم وشوکرما اسکیم کے تحت، کاریگروں اور دستکاروں کو پی ایم وشوکرما سرٹیفکیٹس، شناختی کارڈ،  1 لاکھ (پہلی قسط میں) اور 2 لاکھ (دوسری قسط میں)5% کی رعایتی شرح سود کے ذریعے فراہم کی جائے گی۔ یہ اسکیم مزید مہارتوں کی اپ گریڈیشن، ٹول کٹ کی ترغیب، ڈیجیٹل لین دین کے لیے ترغیب، اور مارکیٹنگ سپورٹ فراہم کرے گی۔مرکز نے ایک بیان میں کہا کہ "پی ایم وشوکرما” کے تحت  پہلے مرحلہ  میں شامل ہونے والوں میں بڑھئی، کشتی بنانے والے، لوہار، تالے بنانے والے، سنار، کمہار، مجسمہ ساز، موچی اور مستری شامل ہیں۔مرکزی وزیر انوراگ ٹھاکر نے کہا کہ میٹنگ میں،   اقتصادی   کمیٹی نے  پی ایم ای  بس سیوا کو بھی ہری جھنڈی دکھائی جس کے تحت ملک کے بیڑے میں 10,000 ای-بسیں شامل کی جائیں گی اور 10 سال تک آپریشنز کی حمایت کی جائے گی۔مسٹر ٹھاکر نے کہا، "169 شہروں میں 10,000 ای-بسیں تعینات کی جائیں گی اور 181 شہروں میں گرین اربن موبلٹی انیشیٹوز کے تحت انفراسٹرکچر کو اپ گریڈ کیا جائے گا۔