غیر باسمتی سفید چاول کی برآمد پر پابندی عائد

ملک میں چاول کی طلب و رسد میں تفاوت کو دور کرنا مقصود،نوٹفکیشن جاری
سرینگر//20جولائی/ مرکزی حکومت نے غیر باسمتی سفید چاول کی برآمد پر پابندی لگا دی ہے۔ یہ بات ڈائریکٹوریٹ جنرل آف فارن ٹریڈ کی ایک نوٹیفکیشن میں بتائی گئی ہے۔ٹی ای این کے مطابق ڈائریکٹوریٹ جنرل آف فارن ٹریڈ کی جانب سے جاری ایک نوٹیفکیشن میں کہاگیا ہے کہ غیر باسمتی سفید چاول کی برآمد کی پالیسی میں ترمیم کی گئی ہے اور اب سفید چاول کی برآمد پر یکسر پابندی عائد کی گئی ہے۔نوٹفکیشن کے مطابق اس چاول کی کنسائنمنٹس کو بعض شرائط کے تحت برآمد کرنے کی اجازت دی جائے گی جہاں اس نوٹیفکیشن سے پہلے جہاز پر اس چاول کی لوڈنگ شروع ہو چکی ہو۔قبل ازیں، خبر رساں ایجنسی نے اطلاع دی تھی کہ مرکزی حکومت چاول کی زیادہ تر اقسام کی برآمدات پر پابندی عائد کرنے پر غور کر رہی ہے۔ پابندی سے ہندوستان کی چاول کی تقریباً 80 فیصد برآمدات متاثر ہوسکتی ہیں، ہندوستان کے اندر چاول کی قیمتیں کم ہوسکتی ہیں لیکن عالمی قیمتوں پر منفی اثر پڑ سکتا ہے۔ملک کے اہم چاول اگانے والے علاقوں میں بارش کی غیر مساوی تقسیم نے گزشتہ 10 دنوں میں اناج کی قیمتوں میں 20 فیصد تک اضافہ کیا ہے۔ایک رپورٹ میں کہا گیا ہے کہ ایل نینو موسمی انداز اور بھارت کی جانب سے یہ قدم اٹھانے کی وجہ سے سپلائی کے بڑھتے ہوئے خدشات پر، ویتنام سے برآمد شدہ چاول کی قیمتیں اس ہفتے ایک دہائی سے زائد عرصے میں سب سے زیادہ ہو گئیں۔ تاجروں نے کہا کہ برآمدات کو روکنے کے لیے ہندوستان کے ممکنہ اقدام کے بارے میں معلومات نے بھی قیمتوں میں اضافہ کیا۔ تاجروں کو توقع ہے کہ اگر بھارت برآمدات کو محدود کرتا ہے تو قیمتیں مزید بڑھ جائیں گی۔دریں اثنا، بھارت میں چاول کی بوائی نے گزشتہ پندرہ دن کے دوران مون سون کی بارشوں میں بحالی کے ساتھ رفتار پکڑی ہے۔ہندوستان جو دنیا کا سب سے بڑا چاول برآمد کنندہ ہے ،نے پیداوار کے خدشات کے درمیان ستمبر 2022 میں ٹوٹے ہوئے چاول کی بیرون ملک ترسیل پر پابندی عائد کردی اور مختلف دیگر درجات کی برآمدات پر 20پوائنٹ ڈیوٹی عائد کردی۔رائس ایکسپورٹرس اسوسی ایشن (آر ای اے) کے صدر بی وی کرشنا راو¿ نے کہا کہ دھان کی خریداری کی قیمت بڑھانے کے حکومتی اقدام سے قیمتوں میں اضافہ ہو رہا ہے۔ لیکن حکومت فلاحی اسکیموں کے لیے ضرورت سے زیادہ اسٹاک رکھے ہوئے ہے۔ برآمدات کو محدود کرنے کی ضرورت نہیں ہے۔ہندوستانی چاول کی برآمدی قیمتوں نے اپنے بڑھتے ہوئے سلسلے کو ساتویں ہفتے تک بڑھا دیا اور رسد میں کمی کے باعث گزشتہ ہفتے 5 سال کی بلند ترین سطح پر پہنچ گئیں جب یہ اطلاع ملی کہ ملک افراط زر کو روکنے کے لیے چاول کی زیادہ تر اقسام کی برآمدات پر پابندی لگانے پر غور کر رہا ہے۔