کووڈ-19 کے معاملات میں اضافے کے
درمیان حکومت ریاستوں کے ساتھ جائزہ میٹنگ

سرینگر / 27 مارچ / /ملک میں کوروانوائرس اور انفلوئز کے معاملوں میں مسلسل اضافہ کے پیش نظر مرکزی صحت سیکریٹری نے تمام ریاستوں اور یوٹیز کے ہیلتھ سیکریٹریوں کے ساتھ ورچول موڈ پر میٹنگ منعقد کرکے صورتحال کے حوالے سے جانکاری حاصل کی ۔ مرکزی صحت سکریٹری راجیش بھوشن آج شام کو کووڈ-19 کے لیے تیاریوں کا جائزہ لینے کے لیے ویڈیو کانفرنسنگ کے ذریعے ریاستوں کے ہیلتھ سیکریٹریوں اور سینئر افسران کے ساتھ میٹنگ کی۔ یہ اعلیٰ سطحی جائزہ اجلاس گزشتہ ہفتوں میں ملک میں انفلوئنزا اور کوویڈ 19 کے کیسز میں اضافے کے پس منظر میں ہوا ہے۔حال ہی میں مرکزی صحت سکریٹری اور آئی سی ایم آر ڈائریکٹوریٹ جنرل ڈاکٹر راجیو بہل نے ریاستوں اور مرکز کے زیر انتظام علاقوں کے چیف سکریٹریوں اور صحت کے سینئر افسران کو انفلوئنزا وائرس سے متعلق بیماریوں کی ابھرتی ہوئی وجوہات پر گہری نظر رکھنے کے سلسلے میں ایک خط جاری کیا۔گزشتہ ہفتے وزیر اعظم نریندر مودی نے ملک میں کوویڈ 19 اور انفلوئنزا کی صورتحال کا جائزہ لینے کے لیے ایک اعلیٰ سطحی میٹنگ کی صدارت بھی کی تھی۔ میٹنگ کے دوران، انہوں نے صحت کے بنیادی ڈھانچے اور لاجسٹکس کی تیاری، ویکسینیشن مہم کی صورتحال، کوویڈ 19 کی نئی اقسام اور انفلوئنزا کی اقسام اور ملک کے لیے ان کے صحت عامہ کے اثرات کا جائزہ لیا۔