حملے میں ملوث ملی ٹنتوں کو کسی بھی صورت میں نہیں بخشا جائے گا/لیفٹیننٹ گورنر

لیفٹنٹ گورنر منوج سنہا نے شوپیاں میں اقلیتی فرقے کے دو افراد پر ملی ٹنٹوں کے حملے کی مذمت کرتے ہوئے کہا کہ اس حملے کے ذمہ دار جنگجوﺅں کو کسی بھی صورت میں نہیں بخشا جائے گا۔ انہوں نے کہا کہ سماج کے ہر فرد کو اس حملے کی پر زور مذمت کرنی چاہئے۔ اطلاعات کے مطابق چھوٹی گام شوپیان میں ملی ٹنٹوں کے حملے میں ہلاک ہوئے کشمیری پنڈت اور بھائی کے زخمی ہونے پر لیفٹنٹ گورنر منوج سنہا نے حملے کی شدید الفاظ میںمذمت کی ۔ لیفٹنٹ گورنر منوج سنہا نے اپنے ٹویٹر پر لکھا ”شوپیاں میں عام شہریوں پر ہونے والے ملی ٹنٹ حملے کے درد کو الفاظ میں بیان کرنا ممکن نہیں ہے میرے خیالات سنیل کمار کے اہلخانہ کے ساتھ ہیں“۔ انہوں نے ٹویٹ میں مزید کہا کہ ہر فرد کو اس حملے کی پر زور مذمت کرنی چاہئے اور اس حملے کے ذمہ دار ملی ٹنٹوں کو بخشا نہیں جائے گا۔بتادیں کہ شوپیاں کے چھوٹی گام علاقے میں منگل کو جنگجوﺅں کے حملے میں اقلیتی فرقے کا ایک شخص از جان جبکہ اس کا بھائی زخمی ہوگیا۔