ہر گھر ترنگا مہم کو کامیاب بنانے پر لوگوں کا شکریہ

وادی کے نوجوان امن کے متلاشی ۔ اے ڈی جی پی وجے کمار
نائب پولیس سربراہ اے ڈی جے پی وجے کمار نے 76ویں یوم آزادی کے موقعے پر وادی کشمیر کے لوگوں کو مبارکباد دی ہے ۔ انہوں نے کہا کہ ہر گھر ترنگا مہم کوکو کامیاب بنانے پر لوگوںکا شکریہ اداکرتاہوں جنہوںنے قومی جذبہ دکھا کر اس مہم کو کامیاب بنایا ۔ انہوںنے کہا کہ جموں کشمیر میں ملٹنسی قریب ختم ہوئی ہے اور گنے چنے افراد جو یہاں پر حالات خراب کرنے پر تلے ہوئے ہیںکو بھی کیفرکردار تک پہنچایا جائے گا۔ جموں کشمیر پولیس نائب سربراہ برائے کشمیر اے ڈی جی پی وجے کمار نے بھارت کی 76ویں یوم آزادی کی تقریب پر کشمیری عوام کو مبارکباد دی ہے ۔ا نہوں نے ٹویٹ کرلکھا ہے کہ کشمیری عوام نے جس قدر ہر گھر ترنگا مہم میں شرکت کرکے اس کو کامیاب بنایا ہے میں ان کا شکریہ اداکرتا ہوں۔ انہوںنے کہا کہ کشمیر میں ہر شعبہ سے تعلق رکھنے والے لوگوںنے اس مہم میں شرکت کی ۔ اور لوگوں نے قومی جذبہ سے ترنگا مہم میں حصہ لیا جو کہ ایک خوش آئند بات ہے ۔ وجے کمار نے مزید کہا ہے کہ وادی کشمیر کی حالات کو خراب کرنے کی کسی کو اجازت نہیں دی جائے گی اور جو بھی اس میں رخنہ ڈالنے کی کوشش کرے گا اس کو کیفر کردار تک پہنچایا جائے گا۔ اے ڈی جے پی نے کہا ہے کہ وادی کشمیر میں ملٹنسی اب قریب قریب ختم ہوچکی ہے اور نوجوانوں کا جو جذبہ ہم نے قوم کے تئیں دیکھا ہے اس سے صاف ظاہر ہے کہ یہاں کے نوجوان امن کو ترجیح دیتے ہیں البتہ کچھ لوگ ہوا خراب کرنے پر تلے ہیں جن کی سازشوں کو کامیاب نہیںہونے دیا جائے گا۔