جموں و کشمیر کو 56,000 کروڑ روپے کی سرمایہ کاری کی تجاویز موصول ہوئیں

حکومت نے 38,080 کروڑ روپے کی سرمایہ کاری کی تجاویز کو منظوری دی ۔منوج سنہا
لیفٹیننٹ گورنر منوج سنہا نے کہا ہے کہ جموں و کشمیر حکومت کو 56,000 کروڑ روپے کی صنعتی سرمایہ کاری کی تجاویز موصول ہوئی ہیں اور بیرون ملک خاص طور پر خلیج سے بہت سے کاروباری گھرانے مرکزی زیر انتظام علاقے میں سرمایہ کاری کریں گے۔آزادی کے بعد سے، جموں و کشمیر کو صرف 14ہزارکروڑ روپے کی نجی سرمایہ کاری ملی تھی۔ تاہم، نئی صنعتی ترقی کی اسکیم کے تعارف اور مرکزی وزیر داخلہ امیت شاہ کی ذاتی دلچسپی کے بعد، یوٹی کو صرف ایک سال کے عرصے میں 56,000 کروڑ روپے کی سرمایہ کاری کی تجاویز موصول ہوئی ہیں،“سنہا نے کہاکہ دلت، خواتین، مغربی پاکستانی پناہ گزینوں اور معاشرے کے بہت سے دوسرے طبقے جو اپنے حقوق سے محروم تھے، کو ان کا حق دیا گیا ہے۔ لیفٹیننٹ گورنر منوج سنہا نے کہا ہے کہ جموں و کشمیر حکومت کو 56,000 کروڑ روپے کی صنعتی سرمایہ کاری کی تجاویز موصول ہوئی ہیں اور بیرون ملک خاص طور پر خلیج سے بہت سے کاروباری گھرانے مرکزی زیر انتظام علاقے میں سرمایہ کاری کریں گے۔آزادی کے بعد سے، جموں و کشمیر کو صرف 14ہزارکروڑ روپے کی نجی سرمایہ کاری ملی تھی۔ تاہم، نئی صنعتی ترقی کی اسکیم کے تعارف اور مرکزی وزیر داخلہ امیت شاہ کی ذاتی دلچسپی کے بعد، یوٹی کو صرف ایک سال کے عرصے میں 56,000 کروڑ روپے کی سرمایہ کاری کی تجاویز موصول ہوئی ہیں،“ انہوں نے مزید کہا کہ حکومت نے 38,080 کروڑ روپے کی سرمایہ کاری کی تجاویز کو منظوری دی ہے۔لیفٹیننٹ گورنر نے کہا کہ دبئی کا عمار گروپ شاپنگ مال کی تعمیر کرے گا۔ لولو گروپ جموں و کشمیر میں بھی سرمایہ کاری کر رہا ہے۔تقریباً 20 کمپنیاں مہمان نوازی کے شعبے میں شامل ہونا چاہتی ہیں۔ میڈی سٹی کی تجویز بھی منظور کر لی گئی ہے۔ ایم بی بی ایس کی سیٹیں بھی تقریباً 1,000 تک بڑھ جائیں گی۔“واضح رہے کہ جموں و کشمیر میں ملک کے ساتھ ساتھ بیرون ملک سے بھی پرائیویٹ پلیئرز کی جانب سے سرمایہ کاری کا بڑا رش ہے۔ گزشتہ سال دسمبر میں منعقدہ ایک سمٹ کے دوران کئی معماروں نے بھی یہاں سرمایہ کاری میں گہری دلچسپی ظاہر کی تھی۔کئی اور کمپنیوں نے بھی جموں و کشمیر انتظامیہ سے رابطہ کیا ہے جس میں مرکزی زیر انتظام علاقے میں مختلف شعبوں میں سرمایہ کاری میں دلچسپی ظاہر کی گئی ہے۔جموں سری نگر قومی شاہراہ کی حالت کا ذکر کرتے ہوئے سنہا نے کہا کہ جب وہ جموں و کشمیر آئے تو جموں اور سری نگر کے درمیان 11 گھنٹے کا فاصلہ تھا جو اب گھٹ کر پانچ سے ساڑھے پانچ گھنٹے رہ گیا ہے۔انہوں نے کہا کہ جموں و کشمیر میں بچوں کی شرح اموات، 5 سال سے کم عمر کی شرح اموات وغیرہ میں قومی اوسط سے کہیں کم ہے اور جنسی تناسب کہیں بہتر ہے۔انہوں نے کہا کہ 5 اگست 2019 کو حکومت ہند کی طرف سے نیا نظام متعارف کرائے جانے کے بعد جموں و کشمیر میں عام آدمی کو کافی فائدہ ہوا ہے۔سنہا نے کہاکہ دلت، خواتین، مغربی پاکستانی پناہ گزینوں اور معاشرے کے بہت سے دوسرے طبقے جو اپنے حقوق سے محروم تھے، کو ان کا حق دیا گیا ہے۔