گول رام بن میں پولیس چوکی پرمشتبہ ملی ٹنٹوں کا گرینیڈ حملہ ،کوئی جانی نقصان نہیں

صوبہ جموں کے ضلع رام بن میں منگل کی صبح مشتبہ ملی ٹنٹوںنے ایک پولیس چوکی پر گرینیڈ پھینکا، جس کے بعد پولیس اور فوج نےعلاقے میں بڑے تلاشی آپریشن شروع کیا ۔ ضلع رام بن کے تھانہ گول میں پولیس چوکی اندھ کے قریب منگل کو صبح تقریبا 5بجے نامعلوم افراد نے ایک گرینیڈ پھینکا جو زوردار دھماکہ کے ساتھ پھٹ گیا جس سے چوکی اور ملحقہ جات میں افراتفری کا ماحول پیدا ہو گیا۔ مقامی لوگوں کے مطابق دھماکے کے ساتھ ہی ایک فائر بھی ہوا۔ حالانکہ کوئی جانی نقصان کی اطلاع نہیں ہے۔ ذرائع نے بتایا کہ دستی بم پولیس چوکی اندھ گول رام بن کی جانب پھینکا گیاگرینیڈ تھانے کی چھت پر پھٹ گےا،تاہم اس کے دھماکے سے سے کسی کو کوئی نقصان نہیں پہنچا۔ایڈیشنل ڈائرکٹر جنرل آف پولیس مکیش سنگھ نے کہاکہ ایک گرینیڈ دھماکہ پولیس چوکی اندھ گول رام بن کے احاطے کے قریب ہوا ہے، جو پولیس اسٹیشن گول کے دائرہ اختیار میں آتا ہے۔اے ڈی جی پی جموںنے کہا کہ جموں کشمیر غزنوی فورس (جے کے جی ایف) نے ایک خط میں حملے کی ذمہ داری قبول کی ہے۔انہوں نے کہا کہ جموں وکشمیر پولیس کے خصوصی آپریشن گروپ اور فوج کی ٹیموں کو محاصرے اور تلاشی کی کارروائیوں کے لئے متحرک کر دیا گیا ہے۔اعلیٰ پولیس افسر نے کہاکہ رام بن ضلع میں الرٹ جاری کر دیا گیا ہے اور مقدمہ درج کر لیا گیا ہے۔بتایاجاتاہے کہسال2003 میں نامعلوم ملی ٹنٹوں نے پولیس چوکی اندھ گول میں دھماکہ کیا تھا جس میں انچارج پولیس چوکی سلیکشن گریڈ نثار احمد سمت10 جوانوں کی ہلاکت ہوئی تھی۔