ٹنل کے آر پارگزشتہ شام سے شدید بارشوں سے ندی نالوں میں تغیانی ،بادل پھٹنے سے کئی علاقوں میں تباہی

رام بن اور پونچھ میں ایک روز کے لئے تعلیمی ادارے بند،پونچھ نالے میں27افراد پھنس گئے بچاو کارروائیاں جاری
سرینگر جموں،سرینگرمظفر آباد اور لہہ شاہراﺅں پر پسیاںگر آئی ،30جولائی کے بعد موسم میں بہتری کا امکان :محکمہ موسمیات
جموںو کشمیر میں بدھ کی بعد دو پہر سے ہی وقفے وقفے سے مختلف علااقوں میں شدید بارشوں کا سلسلہ شروع ہو اہے جوجمعرات کی صبح تک جاری رہا ہے رات بھر شدید بارشوں کے ساتھ ہی کئی علاقوں کے ندی نالوں میں تغیانی آئی ہے جبکہ متعدد مقامات پر بادل پھٹنے کے واقعات بھی رونما ہوئے ہیں ۔اس دوران تازہ موسمی صورتحال کے پیش نظر ضلع انتظامیہ پونچھ اور رام بن نے مزکورہ علاقوں میں تعلیمی اداروں کو ایک دن کے لئے بند رکھا ہے ۔اس دوران ٹنل کے اس پار کئی علاقوں میں متعدد افراد نالوں میں پھنس گئے ہیں جبکہ کئی افراد کو بچانے کے لئے لئے بچاو کارروائیاں بڑے پیمانے پر جاری ہے ۔جہاں بارشوں کی وجہ سے ندی نالوں میں تغیانی آئی ہے وہی دوسری اور سرینگر جموں،سرینگرمظفر آباد اور لہہ شاہراﺅں پر پسیاںگر آئی جہاں ان سڑکوں کو بحال کرنے کا کام جاری تھا

اس دوان محکمہ موسمیات نے بتایا کہ،30جولائی کے بعد موسم میں بہتری کا امکان ۔تفصیلات کے مطابق بدھ کوصبح سے مطلع ابروآلود رہنے کے بعدبعددوپہرسے ٹنل کے آرپار شدید بارشوںکاسلسلہ وقفے وقفے سے شروع ہوا ۔اس دوران دن میںشروع ہونے والی تیزبارشوں کا سلسلہ جمعرات کی صبح تک جاری رہا ہے جس کے وجہ سے ندی نالوں میں تغیانی آئی ہے اور سڑکیں اورگلیاں زیرآب آگئیں جس کی وجہ سے لوگوں کو عبور مرور میں انتہائی مشکلات کا سامنا کرنا پڑا ہے۔شہر کے کچھ علاقوں میں موسلا دار بارشوں اورشدیدژالہ باری کی وجہ سے لوگ گھروںمیں سہم کررہ گئے ۔ادھر سرینگر کے مبنہ علاقوں میں لوگوں کو بارشوں کی پانی نے خوفزدہ کیا تھا۔ادھر وسطی کشمیر کے بڈگام کے راوتھ پورہ کھاگ علاقے میں بدھ اور جمعرات کی درمیانی شب بادل پھٹنے کی وجہ سے تین مکانوں کو شدید نقصان پہنچا ہے۔لوگوں نے بتایا کہ مقامی لوگوں کی بروقت کارروائی کے نتیجے میں مکینوں کو باہر نکالا گیا۔مقامی لوگوں نے کہاکہ عبدالرشید ڈار ولد عبدالعزیز ڈار ، عبدالغنی ڈار اور عبدالرشید راتھر کے مکانوں کو شدید نقصان پہنچا ہے۔ادھر کھریو پانپور علاقے میں ایک پل کو پانی نے شدید نقصان پہنچایا ہے ۔اس دوران تیز بارشوں کی وجہ سے سرسرینگر جموں،سرینگرمظفر آباد اور لہہ شاہراﺅں پر پسیاںگر آنے کے نتیجے میں مزکورہ شاہراہ کے ٹریفک کی آوا جاوہی میں خلل پڑا ہے ۔ تاہم تمام علاقوں میں اس رہورٹ کو مکمل کرنے تک بحالی کا کام جاری تھا۔ادھر وادی کشمیر میں شدید بارشوں کی وجہ سے مکی سمیت دیگر فصلوں کو سخت نقصان پہنچا ہے ۔ ٹنل کے اس پار۔ادھر ٹنل کے اس پار شدید بارشوں اور بادل پھٹنے کے نتیجے میں اکثر مقامات لوگوں کوانتہائی مشکلات کا سامنا کرنا پڑ ہے اور کئی مقامات پر لوگوں ندی نالوں میں پھنس گئے ہیں جن کو باہر نکالنے کے لئے لوگ اور انتظامیہ مل کر کام کر رہے ہیں۔ضلع انتظامیہ پونچھ اور رام بن نے موسمی صورتحال کو دیکھ کر دونوں اضلاع میں احتیاطً تعلیمی اداروں کو ایک روز کے لئے بند رکھنے کا حکم دیا تھا ۔نمائندے کے مطابق شدید بارش کی وجہ سے ضلع پونچھ کے دریاوں اور ندی نالوں میں سیلابی صورت حال پیدا ہوئی ہے وہیں ضلع کے چنڈک بیلہ کے دریا میں پانی نے سیلابی صورتِ حال اختیار کی ہے اور اس دوران دریا کے نزدیک رہائش پذیر6خاندانوں کے 27افراد سیلاب ی پانی کے ذد میںمیں آ گئے، جنہیں بچانے کے لیے فوج پولیس اور سیول انتظامیہ کی جانب سے بچاو کاروائی شروع کی گئی ہے۔ایڈیشنل ضلع ترقیاتی کمشنر پونچھ بشارت انقلابی نے اس حوالے سے جانکاری دیتے ہوئے کہا کہ چنڈک بیلا کے27افراد سیلاب کے ذد میںدآئے ہیں ہیں، انہیں وہاں سے نکالنے کے لیے فوج پولیس اور انتظامیہ کی مدد لی جا رہی ہے۔ان کا کہنا تھا کہ آنے والے ایک دو گھنٹوں میں انہیں سیلاب زدہ علاقے سے نکال لیا جائے گا۔ادھر ایک اور کارروائی میں پونچھ میں ہی فوج نے 14افراد کو بچا لیا ہے۔جبکہ اسی علاقے میں مزید چار افراد کو بچا لیا گیا ہے۔ ۔اس دوران جمعرات کو موسم میں بہتر ی آئی ہے محکمہ موسمیات نے پیش گوئی کی ہے30جولائی سے پہلے موسم میں کسی خاص تبدیلی کا امکان نہیں ہے ۔