پہو پلوامہ میں سیکورٹی فورسز اور جنگجوﺅںکے مابین تصادم آرائی
عسکری تنظیم لشکر طیبہ سے وابستہ تین ملی ٹنٹ جاں بحق ، علاقے میں تلاشی آپریشن جاری
شمال و جنوب میں جنگجو مخالف آپریشنوں میں تیزی کے بیچ جنوبی ضلع پلوامہ کے پہوعلاقے میں فوج و فورسز اور جنگجوﺅںکے مابین جاری مسلح تصادم آرائی میں لشکر سے وابستہ تین جنگجو جاں بحق ہو گئے ۔ پولیس نے جھڑپ کی تصدیق کرتے ہوئے بتایا کہ علاقے میں جھڑپ میں تین جنگجو مارے گئے گئے جن کے قبضے سے اسلحہ و گولہ بارود ضبط کر لیا گیا ۔سی این آئی کو پولیس ذرائع سے معلوم ہوا ہے کہ پہو پلوامہ میں جنگجوﺅں کی موجودگی کی اطلاع ملنے کے بعد فوج ، سی آر پی ایف اور جموں کشمیر پولیس نے اتوار کے بعد دوپہر علاقے کو محاصرہ میں لیکر تلاشی کارروائی شروع کردی۔ذرائع سے معلوم ہوا ہے کہ جونہی علاقے میں سیکورٹی فورسز نے تلاشی آپریشن شروع کردیا تو وہاں چھپے بیٹھنے عسکریت پسندوں نے سیکورٹی فورسز پر فائرنگ کی جس کے ساتھ ہی علاقے میں جھڑپ شروع ہوئی۔ ذرائع کے مطابق اسی دوران فورسز کی اضافی کمک علاقے کی جانب روانہ کی گئی جنہوں نے پورے علاقے کو سیل کر دیا اور جنگجوﺅںکے فرار ہونے کے تمام راستے سیل کر دئے گئے ۔ پولیس ذرائع کے مطابق ابتدائی فائرنگ کے نتیجے میںگولیوں کے تبادلے کے بعد علاقے کا محاصرہ وسیع کر دیا گیا ہے اور ملی ٹنٹوں کے خلاف کارروائی شروع کر دی گئی ہے ۔ذرائع سے معلوم ہوا ہے کہ علاقے میںکچھ وقت تک گولی باری ہوئی اور جونہی علاقے میں گولیوںکا تبادلہ تھم گیا تو وہاں سے دو جنگجوﺅںکی نعشیں بر آمد کر لی گئی ۔جس کے بعد علاقے میں پھر سے گولیوں کا تبادلہ ہو اور کچھ دیر بعد ایک اور جنگجو جاںبحق ہو گیا جس کے ساتھ ہی جھڑپ میں کل ملا کر تین جنگجو مارے گئے ۔ پولیس کے ایک سنیئر آفیسر نے جھڑپ کی تصدیق کرتے ہوئے بتایا کہ علاقے میں ملی ٹنٹوں کی موجودگی کی اطلاع ملنے کے بعد پولیس و سیکورٹی فورسز کو محاصرے میںلیا گیا جس دوران وہاں جھڑپ شروع ہوئی ۔ انہوں نے کہا کہ جھڑپ میں تین جنگجو مارے گئے جبکہ علاقے میں تلاشی آپرین جاری ہے ۔
