کرونا کے نئے معاملات میں زبردست اضافہ شروع

ملک میں838کے اضافے کے ساتھ روزانہ معاملوں کی تعداد2527ہوگئی
نئی دہلی:۳۲/ اپریل (یو این آئی) ملک میں ایک بار پھر کورونا وائرس کے نئے معاملات میں زبردست اضافہ ہونا شروع ہو گیا ہے۔ گزشتہ 24 گھنٹوں کے دوران کورونا کے 2527 نئے کیسز سامنے آئے ہیں۔ملک میں بدھ کو 1913296 کورونا ویکسین لگائی گئیں اور اب تک پورے ملک میں کورونا ویکسین کی 1874672536 خوراکیں دی جا چکی ہیں۔مرکزی وزارت برائے صحت اور خاندانی بہبود کی طرف سے جمعہ کی صبح جاری کردہ اعداد و شمار کے مطابق گزشتہ 24 گھنٹوں کے دوران ملک میں انفیکشن کے 2527 نئے کیس رپورٹ ہوئے ہیں۔ اس کے ساتھ ہی ملک میں درج کیسز کی کل تعداد 43054952 ہوگئی۔ گزشتہ 24 گھنٹوں میں 33 افراد کی ہلاکت کے بعد کورونا سے مرنے والوں کی تعداد 5 لاکھ 22 ہزار 149 تک پہنچ گئی۔ اس دوران، ملک میں فعال کیسز میں 838 کا اضافہ ہوا ہے، جس سے ان کی کل تعداد 15079 ہوگئی ہے۔ اسی دوران 1656 مریض صحت یاب ہوئے ہیں جس کے ساتھ ہی کورونا سے صحت یاب ہونے والوں کی تعداد بڑھ کر 42517724 ہوگئی ہے۔ ملک میں فعال کیسز کی شرح 0.03 فیصد، صحت یابی کی شرح 98.76 فیصد اور موت کی شرح 1.21 فیصد پربرقرارہے۔گزشتہ 24 گھنٹوں میں قومی دار الحکومت دہلی میں سب سے زیادہ 283 فعال کیسز کا اضافہ ہوا ہے۔ اس کے بعد یہاں کورونا کے مریضوں کی تعداد 3,253 ہو گئی ہے۔ اس دوران 757 افراد کے صحت یاب ہونے سے انفیکشن سے صحت یاب ہونے والے مریضوں کی کل تعداد بڑھ کر 1843282 ہوگئی۔ اس مدت کے دوران کووڈ-19 سے دو مریضوں کی موت ہوئی اور مرنے والوں کی تعداد بڑھ کر 26,164 ہو گئی۔ہریانہ میں فعال کیسز میں 191 کا اضافہ ہوا ہے۔ ریاست میں اس وقت 1632 فعال کیسز ہیں۔ اس دوران 194 افراد کے صحت یاب ہونے کے بعد وبا سے صحت یاب ہونے والے مریضوں کی کل تعداد 976291 ہوگئی۔ گزشتہ 24 گھنٹوں کے دوران یہاں کووڈ-19 سے کسی مریض کی موت نہیں ہوئی اور مرنے والوں کی تعداد 10,618 پر برقرار ہے۔کیرالہ میں کورونا وائرس کے 42 فعال کیسز کے اضافے کے ساتھ ان کی تعداد بڑھ کر 2613 ہو گئی ہے۔ اس سے نجات پانے والوں کی تعداد میں 242 کا اضافہ ہوا ہے اور اب یہ بڑھ کر 6467457 ہو گئی جب کہ مرنے والوں کی تعداد میں 31 کا اضافہ ہوا اور اب یہ تعداد 68781 ہو گئی ہے۔