زیلنسکی کی یورپی یونین میں فوری رکنیت دینے کی اپیل

کیف: ۵۲ مارچ (یو این آئی) یوکرین کے صدر ولادیمیر زیلنسکی نے برسلز میں اکٹھا ہوئے یورپی یونین کے رہنماو¿ں اپیل کی کہ یورپی یونین میں یوکرین کے فوری الحاق کی درخواست پر جلد از جلد آگے بڑھیں۔ خلیج ٹائمز نے جمعہ کو اپنی رپورٹ میں یہ اطلاع دی۔ انہوں نے خاص طور پر جرمنی اور ہنگری سے اپیل کی کہ وہ یونین میں یوکرین کی رکنیت کو روکنے کی کوشش نہ کریں۔ ایسا اسلئے کیونکہ یورپی یونین کے رہنماو¿ں میں ہنگری کے صدر اوربان کو روسی صدر ولادیمیر پوتن کا سب سے قریبی معاون سمجھا جاتا ہے۔ مسٹر زیلینسکی نے یوکرین کے تئیں حمایت اور روس پر پابندیوں کے لیے یورپی یونین کے رہنماو¿ں کا شکریہ بھی ادا کیا، خاص طور پر جرمنی کی جانب سے نئی نورڈ اسٹریم 2 پائپ لائن کے ذریعے یورپ کو قدرتی گیس کی فراہمی روکنے کے فیصلے کو انہوں نے سراہا۔ تاہم انہوں نے اس بات پر بھی افسوس کا اظہار کیا کہ اگر یہ فیصلے پہلے ہو چکے ہوتے تو روس حملہ کرنے سے پہلے دو بار سوچتا۔