’ہٹ اینڈ رن ‘سڑک حادثے میں زخمی پولیس اہلکار چل بسا

جھلس کر زخمی ہونے والا شہری اور محکمہ پی ڈی ڈی ملازم سمیت 4افراد لقمہ اجل
بانڈی پورہ میں گزشتہ شب ایک شخص آگ کی ایک واردات میں شدید زخمی ہوا تھا جو اتوار کے روز ہسپتال میں زخموں کی تاب نہ لاکر دم توڑ بیٹھا۔ ادھر کنزر ٹنگمر گ میں پی ڈی ڈی کا ملازم دوران ڈیوٹی زخمی ہوا تھا جو آج ہسپتال میں دم توڑ بیٹھا ۔ اسی طرح ہندوارہ میں ایک پولیس اہلکار جو کہ ہٹ اینڈ رن سڑک حادثے میں شدید زخمی ہوا تھا اتوار کے روز ہسپتال میں چل بسا ۔ادھر گزشتہ روز شوپیاں میں ایک نوجوان دریا پار کرنے کے دوران غرقآب ہوا ۔ اس طرح سے مختلف حادثات میں چار افراد ہلاک ہوئے ہیں۔اطلاعات کے مطابق شمالی کشمیر کے مارکنڈل نامی گاﺅں میں گزشتہ شب ایک آگ کی واردات میں گاﺅ کھانہ پوری طرح سے جل گیا اس کے ساتھ ساتھ گاﺅ خانے میں ایک گائے اور بچھڑا زندہ جل کرہلاک ہوئے تھے اس دوران گاﺅ خانے کے مالک عبدالرشید راتھر ولد غلام محمد ساکن گھشن پورہ میدان محلہ مارکنڈل بانڈی پورہ جانوروں کو بچانے کی کوشش میں خود بھی بُری طرح سے جھلس کر شدید زخمی ہوا ہے ۔ زخمی شہری کو فوری طور پر نزدیکی ہسپتال پہنچایا گیا جہاں سے اسے نازک حالت میںسرینگر ہسپتال پہنچایا گیا ۔ تاہم وہ ہسپتال میںدوران علاج ہی زخموں کی تاب نہ لاکر دم توڑ بیٹھا۔ پولیس نے اس واقعے کی تصدیق کرتے ہوئے بتایاکہ اس معاملے میں رپورٹ درج کرلی گئی ہے۔ دریں اثناءکنزر میںپی ڈی ڈی کاایک ملازم جو گزشتہ روز سیمنٹ کاکھمبہ گرنے کے نتیجے میں زخمی ہواتھا آج زندگی کی جنگ ہارگیا۔ اس سلسلے میںمعلوم ہوا ہے کہ شمالی کشمیر کے کنزر ٹنگمرگ میں محکمہ پی ڈی ڈ ی سے وابستہ ایک ڈیلی ویجر دوران ڈیوٹی زخمی ہوا تھا ۔ پی ڈی ڈی ملازم وسیم احمد میر ولدغلام محمد میر ساکن دیو بگ بٹہ پورہ کے مقام پربجلی سپلائی کی بحالی کے کام کے دوران شدید زخمی ہوا جس کو فوری طور پر اگرچہ نزدیکی ہسپتال پہنچایا گیا جہاں سے اسے ایس ایم ایچ ایس سرینگر پہنچایا گیا تاہم وہ اتوار کے روز زخموں کی تاب نہ لاکر دم توڑ بیٹھا۔ ادھر ہندوارہ میںہٹ اینڈ رن کے ایک سڑک حادثے کے دوران زخمی ہونے والاپولیس اہلکار ہسپتال میں دم توڑ بیٹھا ۔ اطلاعات کے مطابق ہندوارہ میں کرالہ گنڈ علاقے میں 18مارچ کو ہٹ اینڈ رن سڑک کے ایک حادثے میں پولیس اہلکار خورشید احمد ملک ولد عبدالاحد ملک ساکن ہانگا ماور ایک تیز رفتار نامعلوم گاڑی کی زدمیں آکرشدید زخمی ہوا تھا جس کو اگرچہ فوری طور پر ہسپتال پہنچایا گیا جہاں سے ڈاکٹروں نے اسے بھی سرینگر منتقل کرنے کی صلاح دی تاہم وہ اتوار کے روز زخموں کی تاب نہ لاکر دم توڑ بیٹھا۔ اس سلسلے میں پویس نے کیس درج کرکے گاڑی کا پتہ لگانے کی کارروائی شرو ع کی ۔ دریں اثناءجنوبی کشمیر کے ضلع شوپیاں میں سنیچر وار کی ایک نوجوان اُس وقت ایک نالہ میں ڈوب کر غرقآب ہوا جب وہ نالہ پار کررہا تھا۔ معلوم ہوا ہے کہ پہاڑی ضلع شوپیاں کے گنڈولی علاقے میں نالہ رومشی میں پار کرتے ہوئے ایک نوجوان پھسل کر نالہ میں ڈوب گیا ۔ اس موقعے پر مقامی لوگوں نے اگرچہ نوجوان کو فوری طور پر نالہ سے باہر نکال کر ہسپتال پہنچایا تاہم وہ جانبر نہ ہوسکا۔ مہلوک نوجوان کی شناخت شوکت احمد دیداد ولد محمد حسین دیداد ساکن کیلر شوپیاں کے بطور ہوئی ہے ۔ اس دوران پولیس نے موقع پر پہنچ کر معاملہ کے حوالے سے رپورٹ درج کرلی