ملک میں چوبیس گھنٹوں میں کووڈ وائرس کے 30 ہزار 757 نئے مریض

بارہ ریاستوں اور مرکز کے زیر انتظام علاقوں میں کورونا سے کوئی موت نہیں
نئی دہلی(یو این آئی) ملک بھر میں گزشتہ 24 گھنٹوں میں 34 لاکھ سے زیادہ افراد کووڈ ویکسین لگائی گئی ۔ اس کے ساتھ ہی کل ویکسینیشن 174.24 کروڑ سے تجاوز کر گئی ہے ۔ مرکزی وزارت صحت اور خاندانی بہبود نے جمعرات کو یہاں بتایا کہ ملک میں گزشتہ 24 گھنٹوں میں 34 لاکھ 75 ہزار 951 کووڈ افراد کو ویکسین لگائی گئی ہے ۔ اس کے ساتھ ہی صبح 7 بجے تک 174 کروڑ 24 لاکھ 36 ہزار 288 افراد کو کووڈ ویکسین دی جاچکی ہیں۔ وزارت نے کہا کہ گزشتہ 24 گھنٹوں میں کووڈ وائرس کے 30 ہزار 757 نئے مریض سامنے آئے ہیں۔ اس کے ساتھ ہی ملک میں کورونا کے مریضوں کی تعداد تین لاکھ 32 ہزار 918 ہو گئی ہے ۔ یہ متاثرہ کیسز کا 0.78 فیصد ہے ۔ یومیہ کیسز کی شرح 2.61 فیصد تک پہنچ گئی ہے ۔وزارت نے کہا کہ اسی مدت کے دوران 67 ہزار 538 لوگ کووڈ شفایاب ہوئے ہیں۔ اب تک مجموعی طور پر چار کروڑ 19 لاکھ 10 ہزار984 لوگ کووڈ سے صحت یاب ہو چکے ہیں اور یہ شرح 98.39 فیصد ہے ۔گزشتہ 24 گھنٹوں میں ملک میں 11 لاکھ 79 ہزار 715 کووڈ ٹسٹ کیے گئے ہیں۔ اس کے ساتھ ہی ٹسٹوں کی کل تعداد 75 کروڑ 55 لاکھ 32 ہزار 460 ہو چکی ہے ۔ دریں اثناءملک میں کورونا کے مسلسل بڑھتے کیسز کے درمیان گذشتہ 24 گھنٹوں میں 12 ریاستوں اور مرکز کے زیر انتظام علاقوں میں کورونا سے کوئی موت نہیں ہوئی ہے ۔ انڈمان نکوبار ، اروناچل پردیش، بہار، دادرناگر حویلی ، دمن اوردیو، جموں و کشمیر، جھارکھنڈ، لکشدیپ، میگھالیہ، ناگالینڈ، پڈوچیری، سکم اور تریپورہ میں اس دوران کورونا وبا کی وجہ سے کسی کی موت کی اطلاع نہیں ہے ۔